2018 October 15 Monday
മുതല്‍മുടക്കില്ലാതെ കിട്ടുന്ന ഒന്നാണ് അനുഭവങ്ങള്‍

കോടിയേരി വിവാദത്തിന് പിന്നിലെ സി.പി.എം വിഭാഗീയത

അനില്‍കുമാര്‍ മാരായമംഗലം

കോടിയേരി ബാലകൃഷ്ണന്റെ മകന്‍ ബിനോയിക്കെതിരേ 13 കോടി രൂപയുടെ തട്ടിപ്പു കേസ് പുറത്തു വന്നത് യെച്ചൂരിയുടെ കളിയുടെ ഭാഗമാണെന്നു വിശ്വസിക്കുന്നവര്‍ സി.പി.എമ്മില്‍ ഉണ്ട്.
ഇങ്ങനെ വിശ്വസിക്കുന്നവര്‍ പോളിറ്റ് ബ്യൂറോയില്‍ വരെ ഉണ്ടെന്നാണു സൂചന. തട്ടിപ്പു വാര്‍ത്ത ആദ്യമായി വന്ന പത്രത്തിന്റെ ലേഖകന്റെ ഭാര്യയും യെച്ചൂരിയുടെ ഭാര്യയും ഒരു പത്രത്തില്‍ ഉന്നതപദവികളില്‍ ജോലി ചെയ്യുന്നതും അവര്‍ തമ്മിലുള്ള സൗഹൃദവും എല്ലാം ഈ ചോര്‍ച്ചയുടെ പിന്നില്‍ സഖാക്കള്‍ കണ്ടെത്തുന്നുമുണ്ട്. കേരളത്തിലെ സംസ്ഥാന സമ്മേളനം വരുന്നു.
സ്വാഭാവികമായും കോടിയേരിക്കു രണ്ടാം വട്ടം കിട്ടണം. അതിനു മുന്‍പ് അദ്ദേഹത്തെ ഒതുക്കാനുള്ള നീക്കം ജനറല്‍ സെക്രട്ടറിയുടെ കാര്‍മികത്വത്തില്‍ തന്നെ നടക്കുന്നു എന്നാണ് കേള്‍വി. ശത്രുവിനെ ഒതുക്കാനുള്ള ഉള്‍പ്പാര്‍ട്ടി പോരാട്ടം തുടരുമ്പോള്‍ വര്‍ഗപാര്‍ട്ടിയുടെ ഭാവി എന്താകുമെന്ന് കണ്ടറിയണം.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.