2019 May 23 Thursday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

കൊല്ലത്തെ പെരുമാറ്റച്ചട്ട ലംഘനം കലക്ടര്‍ തീര്‍പ്പാക്കി

കൊല്ലം: കൊല്ലത്ത് സ്ഥാനാര്‍ഥികള്‍ തെരഞ്ഞെടുപ്പ് പെരുമാറ്റച്ചട്ടം ലംഘിച്ചെന്ന് എല്‍.ഡി.എഫും യു.ഡി.എഫും നല്‍കിയ പരാതിയില്‍ ജില്ലാ വരണാധികാരി കൂടിയായ ജില്ലാ കലക്ടര്‍ ഇടപെട്ടു തീര്‍പ്പാക്കി.
തെരഞ്ഞെടുപ്പ് പ്രചാരണ പ്രസംഗങ്ങളില്‍ മത സ്പര്‍ധ വളര്‍ത്തുന്ന രീതിയില്‍ പ്രസംഗിച്ചെന്ന പരാതിയില്‍ യു.ഡി.എഫ് സ്ഥാനാര്‍ഥി എന്‍.കെ പ്രേമചന്ദ്രന് കലക്ടര്‍ ഡോ. കാര്‍ത്തികേയന്‍ താക്കീത് നല്‍കി. സമാന രീതിയിലുള്ള പ്രസംഗം ഒഴിവാക്കണമെന്നും കലക്ടര്‍ കര്‍ശന നിര്‍ദേശം നല്‍കി.
അതേസമയം, ഇടതുസ്ഥാനാര്‍ഥി കെ.എന്‍ ബാലഗോപാലിന്റെ ചിത്രവും ചിഹ്നവും പതിച്ച വസ്ത്രം ധരിച്ച് ഭക്ഷണം വിതരണം ചെയ്‌തെന്ന യു.ഡി.എഫിന്റെ പരാതിയില്‍ ബാലഗോപാലിനൊട് കലക്ടര്‍ വിശദീകരണം തേടി. കൊല്ലം ലോക്‌സഭാ മണ്ഡലത്തില്‍ തെരഞ്ഞെടുപ്പ് പ്രവര്‍ത്തനം അവസാന ഘട്ടത്തിലേക്ക് കടക്കവെയാണ് ഇരു മുന്നണികളും പരസ്പരം പരാതികളുമായി രംഗത്തെത്തിയത്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.