2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

കേരളത്തില്‍ 19 വയസില്‍ താഴെയുള്ളവരില്‍ 47.4 ശതമാനം പേര്‍ക്കു വിരശല്യം

കണ്ണൂര്‍: ദേശീയ വിരവിമുക്ത ദിനാചരണത്തിന്റെ ഭാഗമായി ജില്ലയില്‍ ഒന്നുമുതല്‍ 19 വയസ് വരെയുള്ള 6,49,088 കുട്ടികള്‍ക്കു വിരനശീകരണത്തിനുള്ള ആല്‍ബന്‍ഡസോള്‍ ഗുളികകള്‍ നല്‍കും. സ്‌കൂള്‍ വിദ്യാര്‍ഥികള്‍ക്കും അങ്കണവാടികളിലെയും ഡേ കെയര്‍ സെന്ററുകളിലെയും കുട്ടികള്‍ക്കുമാണു ഗുളിക നല്‍കുകയെന്നു ജില്ലാ മെഡിക്കല്‍ ഓഫിസര്‍ പി.കെ ബേബി വാര്‍ത്താസമ്മേളനത്തില്‍ അറിയിച്ചു. 

 

ഇന്നു ഗുളിക കഴിക്കാന്‍ സാധിക്കാത്തവര്‍ സമ്പൂര്‍ണ വിരവിമുക്ത ദിനമായ 17നു തീര്‍ച്ചയായും കഴിക്കണം. രജിസ്റ്റര്‍ ചെയ്യാത്ത ഒന്നു മുതല്‍ 19 വയസ് വരെയുള്ള എല്ലാ കുട്ടികള്‍ക്കും ആശ പ്രവര്‍ത്തകരുടെ സഹകരണത്തോടെ അങ്കണവാടികളില്‍ ഗുളിക നല്‍കും.

കേരളത്തില്‍ 19 വയസില്‍ താഴെയുള്ളവരില്‍ 47.4 ശതമാനം കുട്ടികള്‍ക്കു വിരശല്യമുണ്ടെന്നാണു പഠനറിപ്പോര്‍ട്ട്. മണ്ണില്‍ കളിക്കുന്നതിലൂടെയും ശുചിത്വമില്ലായ്മയിലൂടെയും നല്ലവണ്ണം വൃത്തിയാക്കാത്തതും പാചകം ചെയ്യാത്തതുമായ പഴം, പച്ചക്കറികള്‍ എന്നിവയിലൂടെയുമാണു വിരകള്‍ ശരീരത്തില്‍ പ്രവേശിക്കുന്നത്.

ദിനാചരണത്തിന്റെ ജില്ലാതല ഉദ്ഘാടനം ഇന്നു രാവിലെ 10.30ന് കണ്ണൂര്‍ മുനിസിപ്പല്‍ ഗവ. ഹൈസ്‌കൂളില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് നിര്‍വഹിക്കും. കലക്ടര്‍ പി ബാലകിരണ്‍ മുഖ്യാതിഥിയാകും.

വാര്‍ത്താസമ്മേളനത്തില്‍ ഡോ കെ.വി ലതീഷ്, ഡോ. പി.എം ജ്യോതി, കെ.എന്‍ അജയ് സംബന്ധിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.