2020 June 02 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കേരളത്തില്‍ നിന്ന് പോയവര്‍ക്കും  കൊവിഡ്; കൂടുതല്‍  പരിശോധനകള്‍ വേണമെന്ന് വിദഗ്ധര്‍

 
തിരുവനന്തപുരം: സംസ്ഥാനത്ത് കൊവിഡ് ബാധിതരുടെ എണ്ണം വര്‍ധിക്കുന്നതിനിടെ കേരളത്തില്‍ നിന്ന് ഇതര സംസ്ഥാനങ്ങളിലേക്ക് പോയവര്‍ക്ക് അവിടെ രോഗം സ്ഥിരീകരിക്കുന്നതും ആശങ്ക വര്‍ധിപ്പിക്കുന്നു. മൂന്നു ദിവസത്തിനിടെ ആറു പേര്‍ക്ക് കര്‍ണാടക, തമിഴ്‌നാട് സംസ്ഥാനങ്ങളിലെ പരിശോധനയില്‍ രോഗം സ്ഥിരീകരിച്ചു. 
കേരളത്തില്‍നിന്ന് പോയവരില്‍ കര്‍ണാടകയില്‍ നാലും തമിഴ്‌നാട്ടില്‍ രണ്ടും പേര്‍ക്കാണ് കൊവിഡ് സ്ഥിരീകരിച്ചത്. കഴിഞ്ഞ ദിവസം കോഴിക്കോട് സ്വകാര്യ ആശുപത്രിയിലെ ഡോക്ടര്‍ക്കും കര്‍ണാടകയില്‍ രോഗം സ്ഥിരീകരിച്ചു. കേരളത്തില്‍ നിന്നു പോയി നിരീക്ഷണത്തില്‍ കഴിയവേയാണ് രോഗം സ്ഥിരീകരിച്ചതെന്നതിനാല്‍ സംസ്ഥാനത്ത് നിന്നാണ് രോഗബാധയുണ്ടായതെന്നാണ് നിഗമനം. വരും ദിനങ്ങളില്‍ ഉറവിടം വ്യക്തമാകാത്ത രോഗബാധിതര്‍ കൂടുതല്‍ ഉണ്ടാകാമെന്നും പരിശോധന വര്‍ധിപ്പിക്കണമെന്നും ആരോഗ്യരംഗത്തെ വിദഗ്ദ്ധര്‍ നിര്‍ദേശിക്കുന്നു.
പരിശോധനയുടെ കാര്യത്തില്‍ ദേശീയ ശരാശരിയേക്കാള്‍ ഏറെ പിന്നിലാണ് കേരളം. 10 ലക്ഷത്തില്‍ 1282 എന്നതാണ് കേരളത്തിലെ പരിശോധന നിരക്ക്. ദേശീയ ശരാശരി 1671 ആണ്. സമൂഹ വ്യാപനം ഇല്ലെന്ന് തീര്‍ത്തുപറയാന്‍ ഈ നിരക്കുകള്‍ക്ക് സാധ്യമല്ല.   
കണ്ണൂര്‍ ധര്‍മ്മടത്ത് മറ്റ് ശാരീരിക അവശതകള്‍ ഉള്ള രോഗിക്ക് കൊവിഡ് ബാധിച്ചത് എങ്ങനെയെന്ന് കണ്ടെത്താനായിട്ടില്ല. ഇടുക്കിയിലെ ബേക്കറിയുടമയ്ക്കും കൊല്ലത്തെ ആരോഗ്യപ്രവര്‍ത്തകയ്ക്കും രോഗം ബാധിച്ചതെങ്ങനെയെന്നും വ്യക്തമല്ല.  മുപ്പതിലേറെ രോഗികള്‍ക്ക് എവിടെനിന്നാണ് രോഗബാധയുണ്ടാകുന്നതെന്ന് ആദ്യഘട്ടങ്ങളിലും വ്യക്തമായിരുന്നില്ല. ഇത് രോഗവ്യാപനം കൃത്യമായി അറിയുന്നതിന് തടസ്സമാണെന്നാണ്  വിദഗ്ദര്‍ ചൂണ്ടികാട്ടുന്നത്.

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.