2019 July 20 Saturday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

കേന്ദ്ര-സംസ്ഥാന സര്‍ക്കാരുകള്‍ കോര്‍പ്പറേറ്റ് നയങ്ങള്‍ നടപ്പിലാക്കുന്നു: സി.പി.ഐ(എം.എല്‍)

കല്‍പ്പറ്റ: കേന്ദ്ര-സംസ്ഥാന സര്‍ക്കാരുകള്‍ കോര്‍പ്പറേറ്റ് നയങ്ങളാണ് നടപ്പിലാക്കുന്നതെന്ന് സി.പി.ഐ(എം.എല്‍) ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
അഞ്ച് വര്‍ഷക്കാലത്തെ ബി.ജെ.പി ഭരണം മുന്‍കാല ജനവിരുദ്ധ ഭരണങ്ങളെ കടത്തിവെട്ടിയിരിക്കുകയാണ്. തൊഴിലില്ലായ്മ അതിന്റെ ഉന്നതിയിലെത്തിയിരിക്കുന്നു. ഭരണഘടനാസ്ഥാപനങ്ങളും വിദ്യാഭ്യാസ മേഖലയും വര്‍ഗീയവല്‍ക്കരിച്ചിരിക്കുകയാണ്. കര്‍ഷകര്‍ ജീവിതം വഴിമുട്ടി ആത്മഹത്യയില്‍ അഭയംപ്രാപിക്കുകയാണ്. 2014 ലെ തെരഞ്ഞെടുപ്പ് വാഗ്ദാനങ്ങള്‍ പോലും മോദി സര്‍ക്കാര്‍ നടപ്പിലാക്കിയിട്ടില്ല. നോട്ടുനിരോധനവും ചരക്ക് സേവന നികുതിയും ചെറുകിട വ്യാപാരികളുടെയും കര്‍ഷകരുടെയും നട്ടെല്ലൊടിച്ചു. ജനകീയ ബദലിനായി സി.പി.ഐ(എം.എല്‍) സ്ഥാനാര്‍ഥി കെ. ഉഷ വിജയിക്കണമെന്നും ഭാരവാഹികള്‍ ആവശ്യപ്പെട്ടു. വാര്‍ത്താസമ്മേളനത്തില്‍ സി.പി.ഐ(എം.എല്‍) തെരഞ്ഞെടുപ്പ് കമ്മിറ്റി ചെയര്‍മാന്‍ സാം പി. മാത്യു, കണ്‍വീനര്‍ രവി പാലൂര്‍, കെ. ഉഷ, ജില്ലാ സെക്രട്ടറി പി.ടി. പ്രേമാനന്ദ്, ജോയിന്റ് കണ്‍വീനര്‍ കെ.വി. പ്രകാശ് സംബന്ധിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.