2020 August 09 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

‘കേന്ദ്രം വിവേചനം അവസാനിപ്പിക്കണം’

തിരുവനന്തപുരം: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി തുക അനുവദിക്കുന്നതില്‍ കേരളത്തോട് കടുത്ത വിവേചനം കേന്ദ്ര സര്‍ക്കാര്‍ കാട്ടിയെന്നും ഇക്കാര്യത്തില്‍ ശക്തമായി പ്രതിഷേധിക്കുന്നതായും സംസ്ഥാന തൊഴിലുറപ്പ് കൗണ്‍സിലിന്റെ 20ാമത് യോഗം ചൂണ്ടിക്കാട്ടി. കാലതാമസത്തിനുള്ള നഷ്ടപരിഹാരം സഹിതം കുടിശ്ശിക തുകയായ 636.6 കോടി രൂപ കേന്ദ്ര സര്‍ക്കാരില്‍ നിന്ന് ലഭ്യമാക്കാന്‍ നടപടിയെടുക്കണമെന്നും യോഗം പ്രമേയത്തിലൂടെ ആവശ്യപ്പെട്ടു.
പദ്ധതി പ്രകാരം സംസ്ഥാനത്ത് 2016-17 സാമ്പത്തിക വര്‍ഷം തൊഴിലാളികള്‍ക്ക് കൂലിയിനത്തില്‍ ലഭിക്കേണ്ട 636.6 കോടി രൂപ 2016 ഡിസംബര്‍ മാസം മുതല്‍ കുടിശ്ശികയാണ്. തൊഴിലുറപ്പ് നിയമപ്രകാരം തൊഴിലെടുത്ത് രണ്ടാഴ്ചയ്ക്കകം വേതനം ലഭിക്കാന്‍ അര്‍ഹതയുണ്ട്. ഏപ്രില്‍ ആദ്യ വാരം കേന്ദ്ര സര്‍ക്കാര്‍ സംസ്ഥാനങ്ങള്‍ക്ക് പദ്ധതി തുക അനുവദിച്ച അവസരത്തില്‍ മറ്റു പല സംസ്ഥാനങ്ങള്‍ക്കും അര്‍ഹതപ്പെട്ടതില്‍ കൂടുതല്‍ തുക നല്‍കിയതായി കാണുന്നതായും പ്രമേയം കുറ്റപ്പെടുത്തി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.