2019 March 22 Friday
തന്റെ അനുഗ്രഹങ്ങള്‍ കൊണ്ട് ഞങ്ങളെ ധാരാളം വെള്ളം കുടിപ്പിക്കുകയും ഞങ്ങളുടെ ദോശങ്ങള്‍ കാരണം അതിനെ ഉപ്പു രുചിയുള്ളതാക്കുകയും ചെയ്യാത്ത അല്ലാഹുവിനാണ് സര്‍വസ്‌തോത്രങ്ങളും -മുഹമ്മദ് നബി(സ)

കെ.സി.എ ഭരണസമിതിയുടെ എല്ലാ രേഖകളും പിടിച്ചെടുക്കാന്‍ ഹൈക്കോടതി നിര്‍ദേശം

 

കൊച്ചി: കേരള ക്രിക്കറ്റ് അസോസിയേഷന്‍ അഴിമതി കേസില്‍ കെ.സി.എ ഭരണസമിതിയുമായി ബന്ധപ്പെട്ട എല്ലാ രേഖകളും പിടിച്ചെടുക്കാന്‍ ഹൈക്കോടതി നിര്‍ദേശം. രേഖകളില്‍ കൃത്രിമം നടക്കാന്‍ ഇടയുണ്ടെന്ന പരാതിയിലാണ് കോടതി നടപടി. ഇതിനായി അഭിഭാഷക കമ്മിഷനെ ഹൈക്കോടതി നിയോഗിച്ചു.

അഭിഭാഷക കമ്മിഷന്‍ നിയമനം നിലവിലെ കെ.സി.എം ഭരണസമിതിയെ ബാധിക്കില്ലെന്നും ഡിവിഷന്‍ ബെഞ്ച് ഇടക്കാല ഉത്തരവില്‍ വ്യക്തമാക്കി. മധ്യവേനല്‍ അവധിക്ക് ശേഷം കേസ് വിശദമായി വാദം കേള്‍ക്കുമെന്ന് അറിയിച്ച ഹൈക്കോടതി, കേസിലെ എല്ലാ എതിര്‍ കക്ഷികള്‍ക്കും നോട്ടീസ് പുറപ്പെടുവിച്ചു.

കേരള ക്രിക്കറ്റ് അസോസിയേഷനിലെ ഗുരുതര അഴിമതിയും ക്രമക്കേടുകളും കേന്ദ്ര ഏജന്‍സികള്‍ അന്വേഷിക്കണം എന്നാവശ്യപ്പെട്ട് കായിക അധ്യാപകനും അക്കാദമിക് വിദഗ്ധനുമായ ഡോ എ.എം നജീബാണ് ഹരജി നല്‍കിയത്.  ലോധ കമ്മിറ്റി നിര്‍ദേശങ്ങളില്‍ ഭൂരിപക്ഷവും നടപ്പാക്കിയെന്നും ഉടന്‍ തിരഞ്ഞെടുപ്പ് നടത്തിയെന്നുമാണ് കെ.സി.യുടെ നിലപാട്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.