2019 April 23 Tuesday
പുറമെ നിന്ന് അടിച്ചേല്‍പിക്കാവുന്ന ഒന്നല്ല ജനാധിപത്യം എന്നത്. അത് ഉള്ളില്‍ നിന്നുതന്നെ വരേണ്ടതാണ് -മഹാത്മാഗാന്ധി

കെ. അന്‍വര്‍ സാദത്ത് ഐ.ടി@സ്‌കൂള്‍ പദ്ധതിയുടെ എക്‌സിക്യൂട്ടീവ് ഡയറക്ടര്‍ ആയി നിയമിതനായി

  • ഹൈടെക് സ്‌കൂള്‍ പദ്ധതികളുടെയും ഡയറക്ടര്‍

തിരുവനന്തപുരം: വിദ്യാഭ്യാസവകുപ്പിന് കീഴിലുള്ള ഐ.ടി@സ്‌കൂള്‍ പ്രൊജക്ടിന്റെയും സംസ്ഥാന സര്‍ക്കാര്‍ പുതുതായി നടപ്പാക്കുന്ന ഹൈടെക് സ്‌കൂള്‍ പദ്ധതിയുടെയും എക്‌സിക്യൂട്ടീവ് ഡയറക്ടര്‍ ആയി കെ. ന്‍വര്‍ സാദത്ത് നിയമിതനായി. നേരത്തെ ഐ.ടി@സ്‌കൂള്‍, വിക്ടേഴ്‌സ് ചാനല്‍, അക്ഷയ പദ്ധതികളുടെ ഡയറക്ടര്‍, ഐ.ടി മിഷന്‍, ഇ-ഗവേര്‍ണേഴ്‌സ് മാനേജര്‍, യു.എന്‍.ഡി.പിയുടെ ഇ-കൃഷി പ്രൊജക്ട് തലവന്‍ എന്നീ ചുമതലകള്‍ വഹിച്ചിട്ടുണ്ട്.

സംസ്ഥാനത്തെ സര്‍ക്കാര്‍ എയ്ഡഡ് സ്‌കൂളുകളിലെ എട്ടു മുതല്‍ 12 വരെയുള്ള ക്ലാസ് മുറികള്‍ ഹൈടെക് ആക്കുക, 1000 സ്‌കൂളുകളെ അന്താരാഷ്ട്ര നിലവാരത്തിലേക്ക് ഉയര്‍ത്തുക എന്നിവ പുതിയ സര്‍ക്കാരിന്റെ പ്രധാനപ്പെട്ട ബജറ്റ് പ്രഖ്യാപനങ്ങളാണ്.

കേന്ദ്ര മാനവശേഷി വകുപ്പിന്റെ ആര്‍.എം.എസ്.എ പ്രൊജക്ടിന്റെ ഉപദേശക സമിതിയിലെ ഐ.ടി വിദഗ്ധനും കൊച്ചി ശാസ്ത്ര സാങ്കേതിക സര്‍വകലാശാല സിന്‍ഡിക്കേറ്റ് അംഗവും ആയിരുന്നു. ഐ.ടി മേഖലയുമായി ബന്ധപ്പെട്ട പ്രൊജെക്ടുകള്‍ക്കും പ്രഭാഷണങ്ങള്‍ക്കുമായി അന്‍വര്‍ സാദത്ത് നിരവധി രാജ്യങ്ങള്‍ സന്ദര്‍ശിച്ചിട്ടുണ്ട്. എട്ടു പുസ്തകങ്ങള്‍ രചിച്ചിട്ടുണ്ട്. ശാസ്ത്ര സാങ്കേതിക പരിസ്ഥിതി കൗണ്‍സില്‍ അവാര്‍ഡ് ഉള്‍പ്പെടെ നാല് അവാര്‍ഡുകള്‍ ലഭിച്ചിട്ടുണ്ട്. മലപ്പുറം കരുവാരക്കുണ്ട് സ്വദേശിയാണ്. ഭാര്യ: കെ പി ഷാഹിന (സീനിയര്‍ സോഫ്റ്റ്‌വെയര്‍ എന്‍ജിനിയര്‍, ടെക്‌നോപാര്‍ക്), മക്കള്‍: വിദ്യാര്‍ഥികളായ അമന്‍ കെ അന്‍വര്‍, അംന കെ അന്‍വര്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.