2019 April 23 Tuesday
പുറമെ നിന്ന് അടിച്ചേല്‍പിക്കാവുന്ന ഒന്നല്ല ജനാധിപത്യം എന്നത്. അത് ഉള്ളില്‍ നിന്നുതന്നെ വരേണ്ടതാണ് -മഹാത്മാഗാന്ധി

കുവൈത്തിലെ ജി.സി.സി കൂട്ടായ്മയില്‍ ഖത്തറിനൊപ്പം ബഹ്‌റൈനും

മനാമ: ഖത്തറിനെതിരേ പ്രഖ്യാപിച്ച ഉപരോധം തുടരവെ, കുവൈത്തില്‍ നടക്കുന്ന ഗള്‍ഫ് സഹകരണ കൗണ്‍സില്‍ (ജി.സി.സി) രാജ്യങ്ങളിലെ ഉന്നത സൈനിക കൂട്ടായ്മയില്‍ ബഹ്‌റൈന്‍ പങ്കെടുത്തു. 

ബി.ഡി.എഫ് ചീഫ് ഓഫ് സ്റ്റാഫ് ലെഫ്റ്റനന്റ് ജനറല്‍ ദിയാബ് ബിന്‍ സഖര്‍ അല്‍ നുഐമിയുടെ നേതൃത്വത്തിലുള്ള സംഘമാണ് യോഗത്തില്‍ പങ്കെടുത്തത്. ജി.സി.സി രാജ്യങ്ങള്‍ക്ക് പുറമെ ഈജിപ്ത്, ജോര്‍ദാന്‍ എന്നീ രാജ്യങ്ങളിലെയും സൈനിക ഉദ്യോഗസ്ഥര്‍ യോഗത്തില്‍ സംബന്ധിക്കുന്നുണ്ട്. ഗള്‍ഫ് മേഖലയുടെ സുരക്ഷ ഉറപ്പാക്കാനായി അംഗരാജ്യങ്ങള്‍ക്കിടയില്‍ സൈനിക സഹകരണം ശക്തിപ്പെടുത്തേണ്ട ആവശ്യകതയുള്‍പ്പെടെയുള്ള കാര്യങ്ങളാണ് യോഗത്തില്‍ ചര്‍ച്ചയായതെന്ന് റിപ്പോര്‍ട്ടുകളുണ്ട്.
ജി.സി.സി ഉച്ചകോടികളില്‍ ഖത്തറുണ്ടെങ്കില്‍ തങ്ങള്‍ പങ്കെടുക്കില്ലെന്ന് നേരത്തെ ബഹ്‌റൈന്‍ വ്യക്തമാക്കിയിരുന്നു. അതേസമയം, പുതിയ നീക്കം ഇരു രാജ്യങ്ങളും തമ്മിലുള്ള അകല്‍ച്ച കുറയ്ക്കാന്‍ സഹായകമാകുമെന്നും അനുരഞ്ജന ശ്രമങ്ങള്‍ക്ക് ശക്തി പകരുമെന്നും രാഷ്ട്രീയ നിരീക്ഷകര്‍ വിലയിരുത്തുന്നുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.