2019 May 24 Friday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

കുടിവെള്ള വിതരണം: പരിശോധന കര്‍ശനമാക്കുന്നു

കല്‍പ്പറ്റ: ജില്ലയില്‍ കുടിവെളള വിതരണം നടത്തുന്ന വാഹനങ്ങളില്‍ കുടിവെള്ളം എന്ന് വ്യക്തമായി രേഖപ്പെടുത്തേണ്ടതും ഭക്ഷ്യ സുരക്ഷാ ലൈസന്‍സ്, രജിസ്‌ട്രേഷന്‍ എടുക്കേണ്ടതാണെന്നും ഭക്ഷ്യ സുരക്ഷാ അസിസ്റ്റന്റ് കമ്മിഷണര്‍ പി.ജെ വര്‍ഗീസ് അറിയിച്ചു.
കൂടാതെ കുടിവെളളം അംഗീകൃത ലാബില്‍ പരിശോധിച്ചതിന്റെ രേഖകളും വാഹനത്തില്‍ സൂക്ഷിക്കേണ്ടതാണ്. 20 ലിറ്റര്‍ ക്യാനുകളില്‍ ഐ.എസ്.ഐ സര്‍ട്ടിഫിക്കേഷനും നിയമാനുസൃതമായ ലേബല്‍ വിവരങ്ങളും ഉണ്ടായിരിക്കണം.
പാക്കേജ്ഡ് ഡ്രിങ്കിങ് വാട്ടര്‍ വാഹനങ്ങളില്‍ വിതരണത്തിനായി കൊണ്ടുപോകുമ്പോള്‍ സൂര്യപ്രകാശം നേരിട്ട് ഏല്‍ക്കാത്ത രീതിയിലുളള മൂടിയുളള വാഹനങ്ങളില്‍ മാത്രം കൊണ്ടുപോകണം. ജ്യൂസ്, ശീതളപാനീയങ്ങള്‍ മുതലായവക്കായി ഉപയോഗിക്കുന്ന ഐസ് ക്യൂബ്‌സ് ഉണ്ടാക്കുന്നതിനുളള വെള്ളവും നിശ്ചിത ഗുണനിലവാരമുള്ളതായിരിക്കണം.
പൊതുജനാരോഗ്യത്തെ മുന്‍നിര്‍ത്തി മേല്‍ നിര്‍ദേശങ്ങള്‍ ഈ മേഖലയില്‍ പ്രവര്‍ത്തിക്കുന്ന മുഴുവന്‍ ആളുകളും കര്‍ശനമായി പാലിക്കേണ്ടതാണ്. മേല്‍ നിബന്ധനകള്‍ക്ക് വിരുദ്ധമായി പ്രവര്‍ത്തിക്കുന്നവര്‍ക്കെതിരേ ഭക്ഷ്യ സുരക്ഷാ ഗുണനിലവാര നിയമം 2006, റഗുലേഷന്‍സ് 2011 പ്രകാരമുളള നിയമനടപടികള്‍ സ്വീകരിക്കുന്നതാണ് എന്ന് ഭക്ഷ്യ സുരക്ഷാ അസിസ്റ്റന്റ് കമ്മിഷണര്‍ പി.ജെ വര്‍ഗീസ് അറിയിച്ചു. ഉപഭോക്താക്കള്‍ കുടിക്കുന്നതിനും പാചകാവശ്യങ്ങള്‍ക്കും അംഗീകൃത വിതരണക്കാരില്‍ നിന്ന് മാത്രമെ കുടിവെള്ളം വാങ്ങാവൂ എന്നും അദ്ദേഹം പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.