2019 May 20 Monday
രാഷ്ട്രീയപാര്‍ട്ടി നേതാക്കളുടെയും പ്രധാനമന്ത്രിമാരുടെയും കളിപ്പാവകളായി മാറുന്നവരെയല്ല നിയമിക്കേണ്ടത്. അന്ധന്‍ അന്ധനെ നയിച്ചാല്‍ ഇരുവരും കുഴിയില്‍ വീഴും -യേശു

കുഞ്ഞുങ്ങള്‍ നനയാതിരിക്കാന്‍ അമ്മക്കരവിരുതില്‍ കുടകള്‍

ചെറുവത്തൂര്‍: അമ്മമാരുടെ കരവിരുതില്‍ പല വര്‍ണങ്ങളില്‍ കുടകള്‍ നിവര്‍ന്നു. ചെറിയാക്കര ഗവ.എല്‍.പി സ്‌കൂളിലെ കുട്ടികള്‍ അടുത്ത അധ്യയന വര്‍ഷത്തില്‍ അമ്മമാര്‍ നിര്‍മിച്ച കുടകളുമായി സ്‌കൂളിലെത്തും. വിദ്യാലയത്തില്‍ നടന്നുവരുന്ന സമ്മര്‍ റെയിന്‍ അവധിക്കാല കൂട്ടായ്മയുടെ ഭാഗമായാണ് രക്ഷിതാക്കള്‍ക്കും പ്രദേശവാസികള്‍ക്കുമായി കുട നിര്‍മാണത്തില്‍ പരിശീലനം നല്‍കിയത്. നാല്‍പത് കുടകള്‍ നിര്‍മിച്ചെടുത്തു. ഇത് കുട്ടികള്‍ക്ക് കൈമാറും. നേരത്തെ രക്ഷിതാക്കള്‍ക്ക് സോപ്പ് നിര്‍മാണത്തിലും പരിശീലനം നല്‍കിയിരുന്നു. തുടര്‍ പ്രവര്‍ത്തനമായി രക്ഷിതാക്കളുടെ നേതൃത്വത്തില്‍ വ്യാവസായികാടിസ്ഥാനത്തില്‍ സോപ്പ്, കുട നിര്‍മിക്കാനാണ് പദ്ധതി. പി. സരോജിനി,എ.പി ബിന്ദു, വി.വി രാധ നേതൃത്വം നല്‍കി. പ്രീ പ്രൈമറി മുതല്‍ നാലാം ക്ലാസുവരെയുള്ള കുട്ടികളും സമ്മര്‍ റെയിനില്‍ പ്രവര്‍ത്തന പദ്ധതിയുടെ ഭാഗമാണ്. ഇവര്‍ക്കായുള്ള പാട്ടുകൂട്ടം ഷൈജു ബിരിക്കുളം നയിച്ചു. കുഞ്ഞരങ്ങ് രണ്ടാംഘട്ട പുസ്തക വിതരണവും നടന്നു. പി.ടി.എ പ്രസിഡന്റ് സുമേഷ് എ.സി, എം.പി എ പ്രസിഡന്റ് പി.ഓമന, വിനോദ് ഒ.കെ, നാരായണന്‍.ടി, എം.പി സതീശന്‍, എം. മഹേഷ് കുമാര്‍, എന്‍. മഞ്ജുള സംസാരിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.