2020 January 28 Tuesday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

കിളിമാനൂര്‍ റിട്ട.ഡെപ്യൂട്ടി തഹസീല്‍ദാരുടെ കൊലപാതകം: പ്രതി കുറ്റക്കാരന്‍, ശിക്ഷ ഇന്ന്

കിളിമാനൂര്‍ :പട്ടാപകല്‍  വീട്ടില്‍ അതിക്രമിച്ചു കയറി റിട്ട.ഡെപ്യൂട്ടി തഹസീല്‍ദാരെ തലക്കടിച്ച് കൊലപ്പെടുത്തകയും അവരുടെ ഭര്‍ത്താവിനെ ഗുരുതരമായി പരുക്കേല്‍പ്പിക്കുകയും പണവും സ്വര്‍ണവും കവര്‍ച്ച ചെയ്യുകയും ചെയ്ത കേസില്‍  പ്രതി കിളിമാനൂര്‍ പുല്ലയില്‍ കടമുക്ക് ദിലീപ് ഭവനില്‍ ദിലീപ്(43) കുറ്റക്കാരനെന്ന് കോടതി കണ്ടെത്തി .ശിക്ഷ ഇന്ന് വിധിക്കും.
2014 ഒക്ടോബര്‍ ഒമ്പതിനാണ് നാടിനെ നടുക്കിയ സംഭവമുണ്ടായത്. കിളിമാനൂര്‍ പുല്ലയില്‍ പേഴുവിള എം എസ് പാലസില്‍ റിട്ട.ഡെപ്യൂട്ടി തഹസീല്‍ദാര്‍ ശൈലജ (57)യാണ് കൊല്ലപ്പെട്ടത്. ഇവരുടെ ഭര്‍ത്താവ് മോഹന്‍ കുമാറിന് ഗുരുതരമായി പരുക്കേറ്റു. പട്ടാപകല്‍ നടന്ന  കൊലപാതകവും കവര്‍ച്ചയും നാടിനെ അക്ഷരാര്‍ഥത്തില്‍ നടുക്കിയിരുന്നു.
മോഹന്‍ കുമാര്‍ വീടിനോടു ചേര്‍ന്ന് എം .എസ് ഫൈനാന്‍സിയേഴ്‌സ് എന്ന പണമിടപാട് സ്ഥാപനം നടത്തിയിരുന്നു. കൊല്ലപ്പെട്ട ശൈലജയും മോഹന്‍ കുമാറും മാത്രമായിരുന്നു വീട്ടില്‍. ഇവര്‍ക്ക് മക്കളില്ല. സംഭവ ദിവസം രാവിലെ 11 മണിയോടെ വിവാഹം ക്ഷണിക്കാന്‍ വന്ന രണ്ടുപേരാണ് ദമ്പതികള്‍ രക്തത്തില്‍ കുളിച്ചുകിടക്കുന്നത് കണ്ടത്. തുടര്‍ന്ന് വിവരം പൊലിസിലും  നാട്ടിലും അറിയിക്കുകയായിരുന്നു .ശൈലജ സംഭവ സ്ഥലത്ത് തന്നെ മരിച്ചിരുന്നു .ഗുരുതരമായി പരുക്കേറ്റ മോഹന്‍കുമാറിന് മാസങ്ങളോളം ആശുപത്രിയില്‍ കഴിയേണ്ടി വന്നു.
ഏറെ അഭ്യൂഹങ്ങള്‍ക്കിടയാക്കിയ സംഭവത്തില്‍ പഴുതടച്ച അന്വേഷണമാണ് പൊലിസ് നടത്തിയത്. സംഭവം നടന്ന്  ആഴ്ചകള്‍ക്കുള്ളില്‍ തന്നെ പ്രതിയെ പൊലിസ് പിടികൂടി .ഇയാളില്‍ നിന്നും മുഴുവന്‍ സ്വാര്‍ണാഭരങ്ങളും കണ്ടെടുക്കുകയും ചെയ്തു. ആറ്റിങ്ങല്‍ ഡി വൈ എസ് പി ആയിരുന്ന പ്രതാപന്‍ നായരുടെ നേതൃത്വത്തില്‍ നടത്തിയ അന്വേഷണത്തിലാണ് പ്രതി പിടിയിലായത് . അഡ്വ ഹാഷിന്‍ ബാബുവായിരുന്നു പബ്ലിക് പ്രോസിക്യൂട്ടര്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.