2019 February 19 Tuesday
യുക്തിയും ശാന്തമായി തീരുമാനമെടുക്കാനുള്ള കഴിവുമാണ് ഒരു നേതാവിനുവേണ്ട വിശിഷ്ടഗുണങ്ങള്‍ -കോര്‍ണിലിയസ് ടാസിറ്റസ്‌

കാവേരി: തമിഴ്‌നാട് ബന്ദ് പൂര്‍ണം

ചെന്നൈ: കാവേരി വിഷയത്തില്‍ കര്‍ണാടക നിലപാടില്‍ പ്രതിഷേധിച്ച് ഇന്നലെ തമിഴ് സംഘടനകള്‍ ആഹ്വാനം ചെയ്ത ബന്ദ് തമിഴ്‌നാട്ടില്‍ പൂര്‍ണം. ബന്ദിനിടെ ഡി.എം.കെ നേതാക്കളായ എം.കെ.സ്റ്റാലിന്‍, കനിമൊഴി, എം.ഡി.എം.കെ നേതാവ് വൈകോ എന്നിവരെ പൊലിസ് അറസ്റ്റു ചെയ്തു. ബന്ദില്‍ ചെന്നൈ അടക്കം എല്ലാ നഗരങ്ങളിലും വ്യാപാരസ്ഥാപനങ്ങള്‍ അടഞ്ഞു കിടന്നു.സ്‌കൂളുകള്‍ പ്രവര്‍ത്തിച്ചില്ല. ബന്ദിന് ഡി.എം.കെ,കോണ്‍ഗ്രസ്, പാട്ടാളി മക്കള്‍ കക്ഷി, തമിഴ് മാനില കോണ്‍ഗ്രസ്, ബി.ജെ.പി, സി.പി.എം, സി.പി.ഐ പാര്‍ട്ടികളും ചലച്ചിത്ര സംഘടനകളും പിന്തുണ പ്രഖ്യാപിച്ചിരുന്നു. വൈകിട്ട് ആറുവരെയായിരുന്നു ബന്ദ്.
കര്‍ണാടകയില്‍ നിന്നുള്ള വാഹനങ്ങള്‍ അതിര്‍ത്തിയില്‍ തടഞ്ഞു. അക്രമ സംഭവങ്ങളൊന്നും റിപ്പോര്‍ട്ട് ചെയ്തിട്ടില്ല.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.