2019 April 25 Thursday
ഒരു പ്രഭുവിന്റെ രക്തത്തെക്കാള്‍ വില കൂടിയതത്രെ ഒരു പിച്ചക്കാരന്റെ കൈയിലുള്ള പുസ്തകം -വില്യം ഷേക്‌സ്പിയര്‍

കാറിടിച്ച് കാല്‍നട യാത്രികന് പരുക്കേറ്റു

വെഞ്ഞാറമൂട്: കാറിടിച്ചു കാല്‍നടയാത്രികനു പരുക്കേറ്റു. റോഡരികില്‍ നിര്‍ത്തിയിട്ടിരുന്ന പിക്അപ് ഓട്ടോയിലിടിച്ചു നിയന്ത്രണംവിട്ട കാര്‍ നടന്നുപോകുന്നയാളെ ഇടിക്കുകയായിരുന്നു. വേളാവൂര്‍ ചിറ്റാരിക്കോണം അംബിക ഭവനില്‍ ലോഹി (56) തനാണ് പരുക്കേറ്റത്.
ഇന്നലെ രാത്രി 7.15ന് തൈക്കാട്-കഴക്കൂട്ടം ബൈപ്പാസില്‍ വേളാവൂരിനു സമീപത്തായിരുന്നു അപകടം. പരുക്കേറ്റയാളെ തിരുവനന്തപുരം മെഡിക്കല്‍കോളജില്‍ പ്രവേശിപ്പിച്ചു. ഇടിയുടെ ആഘാതത്തില്‍ പിക്അപ് ഓട്ടോ മറിഞ്ഞ് കേടുപാടുണ്ടായി. ഇതറിഞ്ഞു സ്ഥലത്തെത്തിയ വെഞ്ഞാറമൂട് പൊലിസ് അപകടത്തില്‍പ്പെട്ട കാര്‍ നീക്കംചെയ്യാന്‍ ശ്രമിച്ചത് നാട്ടുകാരുടെ പ്രതിഷേധത്തിനും സംഘര്‍ഷത്തിനും ഇടയാക്കി.
ഒടുവില്‍ വെഞ്ഞാറമൂട് സി.ഐ സ്ഥലത്തെത്തി ഇരുവാഹനങ്ങളും സ്റ്റേഷനിലേക്കു മാറ്റാമെന്ന ഉറപ്പിലാണ് നാട്ടുകാര്‍ ശാന്തരായത്.
കാറിന്റെ അമിതവേഗതയാണ് അപകടത്തിനു കാരണമാക്കിയതെന്നു നാട്ടുകാര്‍ പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.