2018 September 24 Monday
ആത്മാവിനെ ആയുധങ്ങള്‍ മുറിവേല്‍പ്പിക്കുന്നില്ല അഗ്നി ദഹിപ്പിക്കുന്നില്ല. ജലം നനയ്ക്കുന്നില്ല. കാറ്റ് ഉണക്കുന്നുമില്ല.
-ഭഗവത്ഗീത

കാട്ടരുവികള്‍ വറ്റിവരളുന്നു

പൊഴുതന: ഉരുള്‍പൊട്ടല്‍ ഉണ്ടായ കുറിച്യര്‍മലയില്‍ കാട്ടരുവികള്‍ വന്‍തോതില്‍ വറ്റിവരളുന്നത് ആശങ്കയ്ക്ക് കാരണമാകുന്നു.
ഉരുള്‍ പൊട്ടല്‍ ഉണ്ടായതിന്റെ മുകള്‍ ഭാഗത്താണ് വന്‍തോതില്‍ കാട്ടരുവികള്‍ വറ്റിയത്. കടുത്ത വേനലില്‍ പോലും വെള്ളം വറ്റാതിരുന്ന കുറിച്യര്‍ മലയിലെ അഞ്ചിലകുളം വറ്റിവരണ്ടതാണ് നാട്ടുകാരില്‍ കൂടുതല്‍ ആശങ്കക്ക് കാരണം. ഈ കുളത്തിന് സമീപത്തെ നീര്‍ച്ചാലുകളിലെ വെള്ളമാണ് നാട്ടുകാര്‍ ആശ്രയിച്ചിരുന്നത്. മേല്‍മുറി അടക്കമുള്ള പ്രദേശവാസികള്‍ പൈപ്പുകള്‍ ഇട്ടാണ് മലമുകളില്‍ നിന്നും വെള്ളം എടുത്തിരുന്നത്. വേനലില്‍ പോലും നീര്‍ച്ചാലുകളില്‍ ഇത്തരത്തില്‍ നീരൊഴുക്ക് കുറഞ്ഞിട്ടില്ലെന്ന് പ്രദേശവാസികള്‍ പറയുന്നു. ഈ സ്ഥിതി തുടര്‍ന്നാല്‍ വേനലില്‍ കുടിവെള്ളത്തിനായി നെട്ടോട്ടമോടേണ്ടി വരുമൊ എന്ന ആശങ്കയാണ് നാട്ടുകാര്‍ക്കുള്ളത്. കഴിഞ്ഞ മാസം ഒന്‍പത് മുതല്‍ ഇരുപതാം തീയതി വരെ തുടര്‍ച്ചയായി ഉരുള്‍ പൊട്ടിയിരുന്നു. ഇതിന് ശേഷമാണ് കാട്ടരുവികള്‍ വന്‍തോതില്‍ വറ്റാന്‍ കാരണം.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.