2019 April 23 Tuesday
പുറമെ നിന്ന് അടിച്ചേല്‍പിക്കാവുന്ന ഒന്നല്ല ജനാധിപത്യം എന്നത്. അത് ഉള്ളില്‍ നിന്നുതന്നെ വരേണ്ടതാണ് -മഹാത്മാഗാന്ധി

കാടുവിട്ടു മലമുഴക്കി വേഴാമ്പലുകളും ജനവാസ മേഖലയിലേക്ക്

വടക്കാഞ്ചേരി: സഹ്യപര്‍വ്വതങ്ങളിലും വന്‍ വനങ്ങളിലും മാത്രം കണ്ടു വരുന്ന മലമുഴക്കി വേഴാമ്പലുകള്‍ ജനവാസ മേഖലയിലും നിത്യസാന്നിധ്യമാകുന്നു.
വേനല്‍ ചൂടു കടുത്തതോടെയാണു ഇവ വനപ്രദേശങ്ങള്‍ വിട്ടു കൂട്ടത്തോടെ ഗ്രാമങ്ങളിലെത്തുന്നത്.

മുള്ളൂര്‍ക്കര മേഖലയില്‍ ഇത്തരം വേഴാമ്പലുകളുടെ സാന്നിധ്യം വ്യാപകമാണ്. കൂട്ടത്തോടെ സഞ്ചരിയ്ക്കുന്ന ഇവ മണ്ഡലം കുന്ന് മേഖലയില്‍ കൂടു കൂട്ടിയതായിട്ടാണു കണ്ടെത്തിയിട്ടുള്ളത്. കാട്ടുപഴങ്ങളും ചെറുജീവികളടക്കമുള്ള ഭക്ഷണം തേടിയാണു കാടുവിട്ടിറങ്ങിയ ഇവ മേഖല താവളമാക്കിയിരിക്കുന്നത്.

ജീവിതകാലം മുഴുവന്‍ ഒരു ഇണയെ മാത്രം ആശ്രയിക്കുന്നത് ഇവയുടെ സവിശേഷതയാണ്. വന്‍ ഉയരത്തിലുള്ള മരപൊത്തുകളില്‍ മുട്ടയ്ക്കു അടയിരിക്കുന്ന പെണ്‍ വേഴാമ്പലുകള്‍ക്കു തീറ്റ തേടി നാടു ചുറ്റുന്നതും കുഞ്ഞുങ്ങള്‍ക്കും ഇണയും തീറ്റ നല്‍കുന്നതടക്കമുള്ള അപൂര്‍വ്വ കാഴ്ചയുമൊക്കെ മുള്ളൂര്‍ക്കരക്കാര്‍ക്കു സമ്മാനിയ്ക്കുകയാണു വേഴാമ്പലുകള്‍.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News