2019 March 26 Tuesday
നീതി ലഭ്യമാക്കാനുള്ള എളുപ്പമാര്‍ഗം മറ്റുള്ളവര്‍ക്കു നീതി വാങ്ങിക്കൊടുക്കലാണ്. -മഹാത്മജി

കശ്മിര്‍ സ്‌കൂളുകള്‍ക്കു നേരെ താലിബാന്‍ മോഡല്‍ ആക്രമണം

ശ്രീനഗര്‍: കശ്മിരിലെ സ്‌കൂളുകള്‍ ലക്ഷ്യമിട്ട് താലിബാന്‍ മോഡല്‍ ആക്രമണം വ്യാപകമാവുന്നതായി റിപ്പോര്‍ട്ട്. പാകിസ്താനിലും അഫ്ഗാനിസ്താനിലും സ്‌കൂളുകള്‍ക്ക് നേരെ താലിബാന്‍ നടത്തുന്ന ആക്രമണ രീതിക്ക് സമാനമാണ് കശ്മിരിലും നടക്കുന്നത്.

കഴിഞ്ഞ മൂന്ന് മാസത്തിനിടെ കശ്മിരില്‍ 17 സര്‍ക്കാര്‍ സ്‌കൂളുകളും മൂന്ന് സ്വകാര്യ സ്‌കൂളുകളും ഇത്തരത്തില്‍ ഭീകരര്‍ തകര്‍ത്തതായാണ് കണക്കുകള്‍.

ഹിസ്ബുള്‍ മുജാഹിദിന്‍ കമാന്‍ഡര്‍ ബുര്‍ഹാന്‍ വാനിയെ വധിച്ചതിന് പിന്നാലെ ഉടലെടുത്ത പ്രക്ഷോഭത്തെ തുടര്‍ന്ന് അടച്ചിട്ട സ്‌കൂളുകളൊന്നും ഇതുവരെ തുറന്നിട്ടില്ല.അതേസമയം ജമ്മു, ലഡാക് മേഖലകളില്‍ സ്‌കൂളുകള്‍ പ്രവര്‍ത്തിക്കുന്നുണ്ട്.

പ്രക്ഷോഭത്തെ തുടര്‍ന്ന് കശ്മിര്‍ താഴ്‌വരയില്‍ 20 ലക്ഷത്തോളം കുട്ടികളുടെ പഠനം തടസ്സപ്പെട്ടതായാണ് കണക്കുകള്‍.

കഴിഞ്ഞ ചൊവ്വാഴ്ച്ചയും താഴ്‌വരയിലെ രണ്ട് സ്‌കൂളുകളാണ് അഗ്നിക്കിരയാക്കപ്പെട്ടത്.

കശ്മിര്‍ താഴ്‌വരയിലെ സ്‌കൂളുകള്‍ തുറന്നുപ്രവര്‍ത്തിപ്പിക്കാനുള്ള നടപടിയില്‍ നിന്ന് പിന്തിരിയണമെന്ന് ആവശ്യപ്പെട്ട് വിദ്യാഭ്യാസമന്ത്രി നയീം അക്തറിന്, ഇക്കഴിഞ്ഞ സെപ്തംബര്‍ 27 ന് ലഷ്‌കര്‍ ഇ ത്വയ്ബ ഭീഷണി സന്ദേശം അയച്ചിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News