2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

കഴിഞ്ഞ വര്‍ഷം സഊദിയില്‍ നടന്നത് 12 ഭീകരാക്രമണങ്ങള്‍

കിഴക്കന്‍ പ്രവിശ്യയില്‍ മാത്രം കൊല്ലപ്പെട്ടത് എട്ടു സുരക്ഷാ ഉദ്യോഗസ്ഥര്‍

അബ്ദുസ്സലാം കൂടരഞ്ഞി

 

റിയാദ്: കഴിഞ്ഞ വര്‍ഷം രാജ്യം നേരിട്ടത് വന്‍ സുരക്ഷാ പ്രശ്‌നങ്ങളായിരുന്നു. വിവിധ ഭാഗങ്ങളിലായി 12 ഓളം ഭീകരാക്രമണങ്ങളാണ് നേരിടേണ്ടി വന്നത്. ലോകമൊന്നടങ്കം ആശങ്കപ്പെടുകയും അപലപിക്കുകയും ചെയ്ത മദീനയിലെ മസ്ജിദുന്നബവിയില്‍ നടന്ന ഭീകരാക്രമണങ്ങളാണ് ഇതില്‍ ഏറ്റവും ഭീതിതമായത്. പ്രവാചക പള്ളിക്കു സമീപം കഴിഞ്ഞ വര്‍ഷം ജൂലൈ നാലിന് നടന്ന ആക്രമണത്തില്‍ ഭീകരന് പുറമെ നാലു സുരക്ഷാ സൈനികരാണ് വീരമൃത്യു വരിച്ചത്.

അതെ ദിവസം തന്നെ രാജ്യത്തിന്റെ വിവിധ ഭങ്ങളിലായി മറ്റു ഭീകരാക്രമണങ്ങള്‍ക്കും രാജ്യം സാക്ഷിയായി. ജിദ്ദയില്‍ അമേരിക്കന്‍ കോണ്‍സുലേറ്റിനു സമീപത്തെ ബെല്‍റ്റ് ബോംബ് സ്‌ഫോടനവും കിഴക്കന്‍ പ്രവിശ്യയിലെ ഖത്തീഫില്‍ മദീന ആക്രമണ സമയത്തു നടന്ന ചാവേര്‍ സ്‌ഫോടനവും. തുടര്‍ന്നു പല പ്രാവശ്യമായി കിഴക്കന്‍ പ്രവിശ്യയിലും മധ്യ സഊദിയിലും പടിഞ്ഞാറന്‍ സഊദിയിലും വിവിധ കേന്ദ്രങ്ങള്‍ ലക്ഷ്യമാക്കി ഭീകരര്‍ ആക്രമണം നടത്തി.

കിഴക്കന്‍ പ്രവിശ്യയിലെ ദമാമിലും ശീഈകള്‍ ഏറ്റവും കൂടുതല്‍ തിങ്ങി പാര്‍ക്കുന്നതുമായ ഖതീഫിലും കഴിഞ്ഞ വര്‍ഷം നടന്ന ആക്രമണങ്ങളില്‍ എട്ടു സുരക്ഷാ സൈനികരാണ് കൊല്ലപ്പെട്ടത്. അടുത്ത കാലത്തായി സുരക്ഷാ സേനക്ക് ഏറ്റവും കൂടുതല്‍ ആളുകളെ നഷ്ടമായ വര്‍ഷം കൂടിയാണ് 2016 കടന്നു പോയത്. 2013 ആണ് സുരക്ഷാ സൈനികര്‍ക്ക് ആള്‍ നഷ്ടം സംഭവിക്കാത്ത വര്‍ഷം.

ഇത് കൂടാതെ കഴിഞ്ഞ വര്‍ഷം നിരവധി ആക്രമണ പദ്ധതികള്‍ സുരക്ഷാ സേന തകര്‍ക്കുകയും നിരവധി ഭീകരരെ അറസ്റ്റ് ചെയ്യുകയും ചെയ്തിട്ടുണ്ട്. കഴിഞ്ഞ 16 വര്‍ഷത്തിനിടെ രാജ്യത്താകമാനം 126 ഭീകരാക്രമണങ്ങളും ഇതില്‍ 1147 ആളുകള്‍ കൊല്ലപ്പെട്ടതുമായാണ് കണക്കുകള്‍


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News