2017 January 20 Friday
നീ ഇഹലോകത്ത് ഒരു വിദേശിയെപ്പോലെ അല്ലെങ്കില്‍ വഴിപോക്കനെപ്പോലെ ആകണം
-മുഹമ്മദ് നബി (സ്വ)

കല്യാണ്‍ ജ്വല്ലേഴ്‌സ് കണ്ണൂരിലും തലശ്ശേരിയിലും ഷോറൂമുകള്‍ തുറക്കും

കോട്ടയം: ആഭരണ നിര്‍മാതാക്കളായ കല്യാണ്‍ ജ്വല്ലേഴ്‌സ് തദ്ദേശ, വിദേശ വിപണികള്‍ വികസിപ്പിക്കുന്നതിന്റെ ഭാഗമായി ഈ വര്‍ഷം 500 കോടി രൂപയുടെ നിക്ഷേപം നടത്തുന്നു. ഇതിന്റെ ഭാഗമായി 12-ന് തലശ്ശേരിയില്‍ പുതിയ ഷോറൂം തുറക്കും. അന്നുതന്നെ കോട്ടയത്തും കണ്ണൂരിലും കൂടുതല്‍ സ്ഥലസൗകര്യത്തോടെ ഇരട്ടി ആഭരണശേഖരവും സെലക്ഷനുമായി ജ്വവലറികള്‍ വിപുലമാക്കും.
കല്യാണ്‍ ജ്വല്ലേഴ്‌സ് ചെയര്‍മാനും മാനേജിങ് ഡറക്ടറുമായ ടി.എസ്. കല്യാണരാമനോടൊപ്പം നാഗാര്‍ജുന, മഞ്ജു വാര്യര്‍ കല്യാണ്‍ ജ്വവലേഴ്‌സ് എക്‌സിക്യൂട്ടീവ് ഡയറക്ടര്‍മാരായ രാജേഷ് കല്യാണരാമന്‍, രമേഷ് രാജേഷ് കല്യാണരാമന്‍ എന്നിവരും ചേര്‍ന്ന് മൂന്നു ഷോറൂമുകളും ഉദ്ഘാടനം ചെയ്യും.
തലശ്ശേരിയിലെ പുതിയ ഷോറൂം എ.വി.കെ. നായര്‍ റോഡിലാണ്. കണ്ണൂരില്‍ നിലവിലുള്ള ഷോറൂം തവക്കര പുതിയ ബസ് സ്റ്റാന്‍ഡിനടുത്തുള്ള വലിയ ഷോറൂമിലേക്കു മാറ്റും.
കോട്ടയത്ത് വൈ.എം.സി.എ. റോഡിലുള്ള ഷോറൂം വിപുലീകരിച്ചിട്ടുണ്ട്. ഈ മൂന്നു ഷോറൂമുകളും രാജ്യമെങ്ങുമുള്ള പ്രശസ്തമായ സ്വര്‍ണ്ണ, ഡയമണ്ട് ആഭരണശേഖരം വാഗ്ദാനം ചെയ്യുന്നു.
കല്യാണ്‍ ജ്വല്ലേഴ്‌സിന്റെ ഈ വര്‍ഷത്തെ 500 കോടി രൂപയുടെ വിപുലീകരണത്തിന്റെ ആദ്യപടിയാണ് കേരളത്തിലെ ഷോറൂമുകളുടെ ഉദ്ഘാടനം. കേരളത്തില്‍ കല്യാണ്‍ ജ്വല്ലേഴ്‌സിന് 18 ഷോറൂമുകളുണ്ട്. ഖത്തറില്‍ ഏഴു ഷോറൂമുകള്‍ ഒരേ ദിവസം തന്നെ തുറക്കുകയും ദുബായിലും കുവൈറ്റിലും ഏതാനും മാസങ്ങള്‍ക്കുശേഷം ഓരോ ഷോറൂമുകള്‍ തുറക്കുകയും ചെയ്തു. യു.എ.ഇയിലും കുവൈറ്റിലും കല്യാണ്‍ ജ്വല്ലേഴ്‌സിന് മികച്ച സാന്നിധ്യമാണുള്ളത്. ഷാര്‍ജ ഫ്രീസോണില്‍ 150 മുതല്‍ 200 കിലോ സ്വര്‍ണ്ണംവരെ സംസ്‌കരിക്കാനുള്ള സൗകര്യമുണ്ട്.
ആഗോളതലത്തില്‍ 1.6 മില്യണ്‍ ഉപയോക്താക്കളാണ് കല്യാണ്‍ ജ്വല്ലേഴ്‌സിനുള്ളത്. വീണ്ടും വീണ്ടുമെത്തുന്ന വിശ്വസ്തരായ ഉപയോക്താക്കളാണിവര്‍.
കൂടുതല്‍ ആനുകൂല്യങ്ങളും ആകര്‍ഷകമായ നേട്ടങ്ങളും ലഭ്യമാക്കുന്നതിനായി കല്യാണ്‍ പ്രയോരിറ്റി എന്ന അംഗത്വപരിപാടിയും കല്യാണ്‍ ജൂല്ലേഴ്‌സ് ആരംഭിച്ചിട്ടുണ്ട്.