2019 July 15 Monday
മടിയന്മാരുടെയും മൂഢന്മാരുടെയും പ്രവൃത്തി ദിവസം എന്നും നാളെയായിരിക്കും

കര്‍ഷക പാര്‍ലമെന്റും റാലിയും തട്ടിപ്പ്: കെ.കെ അബ്രഹാം

പുല്‍പ്പള്ളി: എല്‍.ഡി.എഫ് പുല്‍പ്പള്ളിയില്‍ നടത്തിയ കര്‍ഷക പാര്‍ലമെന്റും റാലിയും തട്ടിപ്പാണെന്ന് കെ.പി.സി.സി സെക്രട്ടറി കെ.കെ അബ്രഹാം ആരോപിച്ചു.
കൃഷിക്കാര്‍ പ്രതിസന്ധിയിലായ കാലത്ത് തിരിഞ്ഞുനോക്കാത്ത കൂട്ടരാണ് തെരഞ്ഞെടുപ്പുകാലത്ത് കര്‍ഷകപ്രേമം നടിക്കുന്നത്. കര്‍ഷകര്‍ ആത്മഹത്യ ചെയ്യുന്നത് ദുരഭിമാനംകൊണ്ടാണെന്നാണ് മുമ്പ് സി.പി.എം നേതാവ് വി.എസ് അച്യുതാനന്ദന്‍ പറഞ്ഞത്.
വരള്‍ച്ചയുടെയും പ്രളയത്തിന്റെയും തിക്തഫലങ്ങള്‍ നേരിടുന്ന കൃഷിക്കാരെ കൈയയച്ചു സഹായിക്കാന്‍ ഇപ്പോഴത്തെ പിണറായി സര്‍ക്കാരും തയാറായില്ല. കര്‍ഷകരുടെ എഴുപത്തിനാലായിരം കോടി രൂപ കടം എഴുതിത്തള്ളിയ സര്‍ക്കാരിനു നേതൃത്വം നല്‍കിയ ഇന്ത്യന്‍ നാഷണല്‍ കോണ്‍ഗ്രസിന്റെ പ്രതിനിധി എന്ന നിലയില്‍ ആത്മാഭിമാനത്തോടെയാണ് രാഹുല്‍ഗാന്ധി വയനാട്ടിലെ കര്‍ഷക സമൂഹത്തോടൂ വോട്ടു ചോദിക്കുന്നത്. തെരഞ്ഞെടുപ്പ് വരുമ്പോള്‍ മാത്രം അവതരിക്കുന്ന കര്‍ഷകപ്രേമികളെ പൊതുസമൂഹം അവജ്ഞയോടെയാണ് കാണുന്നതെന്നും അബ്രഹാം പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.