2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

കര്‍ണാടക രാജ്യത്തിന്റെ നീതിന്യായ വ്യവസ്ഥയെ അപമാനിച്ചു: സുപ്രിം കോടതി

ന്യൂഡല്‍ഹി: കാവേരി നദീജല തര്‍ക്കത്തില്‍ കര്‍ണാടകയ്‌ക്കെതിരേ രൂക്ഷവിമര്‍ശനവുമായി സുപ്രിം കോടതി. കര്‍ണാടക നീതിന്യായ വ്യവസ്ഥായെ അപമാനിച്ചുവെന്ന് സുപ്രിം കോടതി. കോടതിയുടെ ഉത്തരവുകള്‍ക്ക് വിലകല്‍പ്പിക്കാത്തതിലൂടെ രാജ്യത്തിന്റെ നീതിന്യായ വ്യവസ്ഥയെയാണ് കര്‍ണാടക അപമാനിച്ചിരിക്കുന്നതെന്ന് സുപ്രിം കോടതി പറഞ്ഞു.

കാവേരി നദീജല പ്രശ്‌നത്തില്‍ ഓരോ തവണ കേസ് പരിഗണിക്കുമ്പോഴും വെള്ളം വിട്ടുനല്‍കാന്‍ സുപ്രിം കോടതി ഉത്തരവിട്ടിരുന്നു. എന്നാല്‍, കോടതിയുടെ ഒരു ഘട്ടത്തിലുള്ള ഉത്തരവും കര്‍ണാടക നടപ്പാക്കിയിട്ടില്ല. ഇതില്‍ ജസ്റ്റിസ് ദീപക് മിശ്ര അധ്യക്ഷനായ ബെഞ്ച് കടുത്ത അമര്‍ഷമാണ് പ്രകടിപ്പിച്ചത്. എന്ത് പ്രശ്‌നമുണ്ടായാലും അതിനെ നേരിട്ട് തമിഴ്‌നാടിന് വെള്ളം നല്‍കണമെന്ന് കോടതി പറഞ്ഞു. തമിഴ്‌നാടിന് ഒക്ടോബര്‍ ഒന്നു മുതല്‍ ആറു വരെ 6000 ഘനയടി ജലം തമിഴ്‌നാടിന് നല്‍കാന്‍ കോടതി ഇന്ന് വീണ്ടും ഉത്തരവിട്ടിട്ടുണ്ട്.

ചൊവ്വാഴ്ചയ്ക്കകം കാവേരി മാനേജ്‌മെന്റ് ബോര്‍ഡ് രൂപീകരിക്കാന്‍ കേന്ദ്രസര്‍ക്കാരിന് നിര്‍ദേശം നല്‍കിയിട്ടുണ്ട്. തമിഴ്‌നാട്, കര്‍ണാടക, കേരളം, പുതുച്ചേരി എന്നിവരുടെ പ്രതിനിധികളെ ബോര്‍ഡില്‍ ഉള്‍പ്പെടുത്താനാണ് നിര്‍ദേശം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.