2019 July 15 Monday
മടിയന്മാരുടെയും മൂഢന്മാരുടെയും പ്രവൃത്തി ദിവസം എന്നും നാളെയായിരിക്കും

കര്‍ക്കടക വാവുബലി ഇന്ന്: കണ്ണീര്‍ ചാലായി നിള

ചെറുതുരുത്തി: കര്‍ക്കടക വാവുബലി ദിനമായ ഇന്ന് പിതൃക്കള്‍ക്കായി ബലിതര്‍പ്പണം നടത്താന്‍ നിളയുടെ വിവിധ സ്‌നാന ഘട്ടങ്ങളില്‍ ജനസാഗരമെത്തും. നിളയിലെ ഭാരതഖണ്ഡത്തില്‍ ഇത്തവണയും അതിവിപുലമായ ഒരുക്കങ്ങളാണ് പൂര്‍ത്തീകരിച്ചിട്ടുള്ളത്. ഐവര്‍മഠം കടവില്‍ ക്ഷേത്ര ട്രസ്റ്റും, ബ്രാഹ്മണസഭയും ഭക്തജനങ്ങള്‍ക്ക് സേവനം നല്‍കാന്‍ രംഗത്തുണ്ട്. പുലര്‍ച്ചെ നാലു മുതല്‍ ഉച്ചക്ക് ഒരു മണി വരെയാണ് സമയം. പ്രസിദ്ധമായ തിരുവില്വാമല വില്യാദ്രിനാഥ ക്ഷേത്രത്തില്‍ ഭക്തജനങ്ങള്‍ക്കായി പ്രത്യേക ക്രമീകരണങ്ങള്‍ ഒരുക്കിയിട്ടുണ്ട്. രാവിലെ 11.30 ന് പ്രസാദ ഊട്ടും ഉണ്ടാകും. പഴയന്നൂരില്‍ ചീരക്കുഴി പാലത്തിന് സമീപം ഗായത്രീ പുഴയില്‍ നടക്കുന്ന വാവുബലിക്ക് വടക്കേത്തറ എന്‍.എസ്.എസ് കരയോഗമാണ് നേതൃത്വം നല്‍കുക. അതിനിടെ കര്‍ക്കടകം അവസാനിക്കാറായിട്ടും നിള കണ്ണീര്‍ ചാലായി കിടക്കുകയാണ്. ഇത് മൂലം ഇത്തവണ പുഴയില്‍ ഇറങ്ങി ബലിതര്‍പ്പണം നടത്തേണ്ടി വരുമെന്നതാണ് സ്ഥിതി.

.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.