2019 May 21 Tuesday
ജനങ്ങളില്‍ നിന്നു നീ മുഖം തിരിച്ച് കളയരുത് അഹന്ത കാണിച്ച് ഭൂമിയില്‍ നടക്കയുമരുത് (വിശുദ്ധ ഖുര്‍ആന്‍)

കയ്പമംഗലത്ത് രണ്ടുപേര്‍ക്ക് സൂര്യാതപമേറ്റു

കയ്പമംഗലം: രണ്ടു പേര്‍ക്ക് കയ്പമംഗലത്ത് സൂര്യാതപമേറ്റു. ബൈക്കില്‍ സഞ്ചരിച്ചിരുന്ന യുവാവിനും പറമ്പില്‍ പുല്ലരിഞ്ഞുകൊണ്ടിരുന്നയാള്‍ക്കുമാണ് സൂര്യാതപമേറ്റത്.കുമ്പളത്തുപറമ്പില്‍ റോഷ്(35) കോറോത്ത് ചന്ദ്രന്‍ (45) എന്നിവര്‍ക്കാണ് സൂര്യാതപമേറ്റത്. കഴിഞ്ഞ ദിവസമാണ് സംഭവം. ചളിങ്ങാട് സെന്ററില്‍ ബാര്‍ബര്‍ ഷാപ്പ് നടത്തു റോഷ് കാളമുറിയിലുള്ള കാനറാ ബാങ്കിലേയ്ക്ക് ബൈക്കില്‍ സഞ്ചിരിക്കുന്നതിനിടെയാണ് സൂര്യാതപമേറ്റത്. ഉച്ചയ്ക്ക് 11നും 12നും ഇടയിലാണ് സംഭവം. ആദ്യം നേരിയ ചൊറിച്ചിലും നീറ്റലുമാണ് അനുഭവപ്പെതെങ്കിലും ഇന്നലെ കൈയില്‍ പൊള്ളലേറ്റ പോലെ അടയാളം കണ്ടതോടെ റോഷ് പെരിഞ്ഞനം കുറ്റിലക്കടവ് ആശുപത്രിയില്‍ ചികിത്സ തേടുകയായിരുന്നു. സൂര്യാതപമേറ്റതാണെന്ന് ഡോക്ടറും അറിയിച്ചു. നെറ്റിയിലും നേരിയ പൊള്ളലുണ്ട്. വീടിനുത്തുള്ള പറമ്പില്‍ പുല്ലരിയുന്നതിനിടെയാണ് ചന്ദ്രന് കൈമുട്ടില്‍ പൊള്ളലേറ്റത് ഇയാളും കുറ്റിലക്കടവ് ആശുപത്രിയില്‍ ചികിത്സ തേടി.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.