2019 April 19 Friday
കാലത്തില്‍നിന്ന് നിനക്കു നഷ്ടപ്പെട്ടതിന് ഇനി പകരമില്ല. അതില്‍നിന്ന് നേടിയെടുത്തതാകട്ടെ വിലമതിക്കപ്പെടുകയുമില്ല. -അത്വാഉല്ലാ സിക്കന്തറി

കന്യാസ്ത്രീക്ക് ഐക്യദാര്‍ഢ്യം; ചിത്രപ്രദര്‍ശനത്തിലൂടെ പ്രതിഷേധം

കണ്ണൂര്‍: കന്യാസ്ത്രീയെ പീഡിപ്പിച്ച സംഭവത്തില്‍ വൈദികനെ അറസ്റ്റ് ചെയ്യാത്തതില്‍ പ്രതിഷേധിച്ച് കണ്ണൂര്‍ കലകടറേറ്റ് പരിസരം ചിത്രകാരനായ സുരേന്ദ്രന്‍ കുക്കാനത്തിന്റെ ഒറ്റയാള്‍ പ്രതിഷേധ സമരം. തന്റെ 14ഓളം ചിത്രങ്ങള്‍ ഉള്‍പ്പെടുത്തിയാണ് പ്രതിഷേധ ചിത്രപ്രദര്‍ശനം നടത്തിയത്. മഹാഭാരതത്തിലെ പാഞ്ചാലി വസ്ത്രാക്ഷേപത്തെ ആസ്പദമാക്കിയാണ് ചിത്രങ്ങള്‍ ഒരുക്കിയിരിക്കുന്നത്. വരുംദിവസങ്ങളില്‍ പ്രതിഷേധം വ്യാപിപ്പിക്കാനാണ് തീരുമാനം. ഏറെക്കാലമായി ഇത്തരത്തിലുള്ള ഒറ്റയാള്‍ സമരങ്ങള്‍ നടത്തി ശ്രദ്ധേയമായ കലാകാരനാണ് കരിവെള്ളൂരിനു സമീപത്തെ സുരേന്ദ്രന്‍. മാനം കാക്കാന്‍ പൊരുതുന്ന ദൈവത്തിന്റെ മാലാഖമാര്‍ക്ക് അഭിവാദ്യമെന്ന ബോര്‍ഡും ചിത്രങ്ങള്‍ക്കൊപ്പമുണ്ട്. കരിവെള്ളൂരിലെ അലകേരളം എന്ന പേരിലുളള പ്രവര്‍ത്തകരുടെ സഹകരണത്തോടെയാണ് കലക്ടറേറ്റില്‍ സമരം സംഘടിപ്പിച്ചത്. അടുത്ത ചിത്രപ്രദര്‍ശനം എറണാകുളത്ത് സംഘടിപ്പിക്കുമെന്നും അദ്ദേഹം പറഞ്ഞു. രാവിലെ 10ന് ആരംഭിച്ച ചിത്രപ്രദര്‍ശനം വൈകിട്ട് അഞ്ചിന് സമാപിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.