2018 September 23 Sunday
ഒരാളുടെ മഹത്വം അളക്കുന്നത് അയാള്‍ തനിക്ക് താഴ്ന്നവരോട് എങ്ങനെ ഇടപെടുന്നു എന്നു നോക്കിയാണ്
ജെ.കെ റൗളിങ്

കണ്ണൂര്‍ ബൈപാസ് ടെന്‍ഡര്‍ നടപടി നവംബറില്‍

കണ്ണൂര്‍: നഗരത്തിലെ ഗതാഗതകുരുക്ക് പരിഹരിക്കാനുള്ള സമാന്തരപാതാ പദ്ധതിയായ കണ്ണൂര്‍ ബൈപാസ് നിര്‍മാണത്തിലുള്ള ടെന്‍ഡര്‍ നടപടികള്‍ നവംബറില്‍ ആരംഭിക്കും.
സ്ഥലമെടുപ്പ് ഉടന്‍ പൂര്‍ത്തീകരിച്ച് നവംബറില്‍ ടെന്‍ഡര്‍ നടപടികള്‍ ആരംഭിക്കാനാണു തീരുമാനമെന്നു ലാന്‍ഡ് അക്വിസിഷന്‍ ഉദ്യോഗസ്ഥര്‍ പറഞ്ഞു. കല്യാശ്ശേരി പോളിടെക്‌നിക് മുതല്‍ ചാല പൊലിസ് നഗര്‍ വരെയാണു നിര്‍ദിഷ്ട കണ്ണൂര്‍ ബൈപാസ്.
കല്യാശ്ശേരി, പാപ്പിനിശ്ശേരി, ചിറയ്ക്കല്‍, പുഴാതി, വലിയന്നൂര്‍, എളയാവൂര്‍, ചേലോറ, എടക്കാട് വില്ലേജുകളിലൂടെയാണു കണ്ണൂര്‍ ബൈപാസ് കടന്നുപോകുന്നത്. വളപട്ടണം ടൗണ്‍ മുതല്‍ മാങ്ങാട് വരെയുള്ള കെട്ടിടങ്ങള്‍ സംരക്ഷിച്ചാണു പുതിയരൂപ തയാറാക്കിയത്. കണ്ണൂര്‍ വിമാനത്താവളത്തിലേക്കുള്ള യാത്രയും കണ്ണൂര്‍ ബൈപാസ് വരുന്നതോടെ എളുപ്പമാകും. കല്യാശ്ശേരിയില്‍ നിന്നും ചാല ഭാഗത്തു നിന്നും വരുന്നവര്‍ക്ക് മുണ്ടയാട്, ചാലോട് വഴി മട്ടന്നൂരിലെ വിമാനത്താവളത്തിലെത്താം. നിലവിലുള്ള ചാല-കല്യാശ്ശേരി ദൂരദൈര്‍ഘ്യം 21 കിലോമീറ്റര്‍ നിന്നു 17 കിലോമീറ്ററായി ചുരുങ്ങുകയും താഴെചൊവ്വ, മേലെചൊവ്വ, താണ, കണ്ണൂര്‍ ടൗണ്‍ തുടങ്ങിയ ഗതാഗതക്കുരുക്കുള്ള സ്ഥലങ്ങള്‍ ഒഴിവാകുകയും ചെയ്യും.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.