2020 February 28 Friday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

കണ്ണൂരില്‍ പൗരത്വ മഹാറാലിക്ക്  അനുമതി നിഷേധിച്ച് സൈന്യം

 
 
 
 
 
കണ്ണൂര്‍: പൗരത്വ ഭരണഘടനാ സംരക്ഷണ മഹാറാലി ആരംഭിക്കാനിരുന്ന സെന്റ് മൈക്കിള്‍സ് ഗ്രൗണ്ടില്‍ പ്രവേശിക്കുന്നതിന് അനുമതി നിഷേധിച്ച് സൈന്യം. മുസ്‌ലിം കോഡിനേഷന്‍ ജില്ലാ സമിതിയുടെ നേതൃത്വത്തിലാണ് ഇന്നലെ കണ്ണൂരില്‍ ലക്ഷങ്ങളെ അണിനിരത്തി മഹാറാലി നടത്തിയത്.
 സൈന്യത്തിന്റെ ഉടമസ്ഥതയിലുള്ള സ്ഥലമാണെങ്കിലും മിക്ക പരിപാടികളും തുടക്കം കുറിക്കാറുള്ളത് ഈ ഗ്രൗണ്ടില്‍ നിന്നാണ്. റാലിയില്‍ അണിനിരക്കാനായി ഗ്രൗണ്ടിലേക്ക് ആളുകളെത്തിയപ്പോഴേക്കും സൈന്യം ബലംപ്രയോഗിച്ച് അവരെ മാറ്റുകയായിരുന്നു.
ഗ്രൗണ്ടില്‍ റാലിക്ക് അനുമതി നിഷേധിച്ചതിനെ തുടര്‍ന്ന് ജില്ലാ ആശുപത്രിക്ക് സമീപത്തെ ബസ് സ്റ്റാന്‍ഡിലേക്ക് മാറ്റി. ഇതാദ്യമായാണ് ഒരു പരിപാടിക്ക് ഈ ഗ്രൗണ്ടില്‍ അനുമതി നിഷേധിക്കുന്നതും സൈന്യം നിയന്ത്രണം ഏറ്റെടുക്കുന്നതും. 
സര്‍ക്കാരിനെതിരായ പരിപാടിക്ക് അനുമതി നല്‍കേണ്ട എന്നാണ് പൊതുവായ തീരുമാനമെന്നും ഇനി ഒരുതരത്തിലുള്ള പരിപാടികള്‍ക്കും ഗ്രൗണ്ട് വിട്ടുനല്‍കേണ്ട എന്നാണ് തീരുമാനിച്ചിട്ടുള്ളതെന്നും കമാന്റന്‍ഡ് പറഞ്ഞു.

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.