2018 December 19 Wednesday
ശ്രമത്തിലാണ്, ഫലപ്രാപ്തിയിലല്ല സംതൃപ്തി ഉളവാകുന്നത്.

കടല്‍ക്കൊള്ളക്കാര്‍ തട്ടിയെടുത്ത കപ്പലിലെ 10 ജീവനക്കാരെ മോചിപ്പിച്ചു

ന്യൂഡല്‍ഹി: ആഫ്രിക്കന്‍ തീരത്ത് കടല്‍ക്കൊള്ളക്കാര്‍ തട്ടിയെടുത്ത ഇന്ത്യന്‍ കപ്പലിലെ പത്ത് ജീവനക്കാരെ രക്ഷപ്പെടുത്തിയതായി വിദേശകാര്യമന്ത്രി സുഷമാ സ്വരാജ് അറിയിച്ചു.
ആഫ്രിക്കയിലെ ഐവറി കോസ്റ്റിന്റെ തീരത്തുനിന്നാണ് ജീവനക്കാരുള്‍പ്പെടെ കപ്പല്‍ കടല്‍ക്കൊള്ളക്കാര്‍ തട്ടിയെടുത്തത്. തുടര്‍ന്ന് നൈജീരിയന്‍ നാവികസേനയുടെ സഹായത്തോടെ ഇവരെ രക്ഷപ്പെടുത്തുകയായിരുന്നു.
കപ്പലിലുണ്ടായിരുന്ന ഒരു ഇന്ത്യക്കാരനും പാകിസ്താനിയും ഇപ്പോഴും കൊള്ളക്കാരുടെ പിടിയിലാണെന്നും ഇവരെ രക്ഷപ്പെടുത്താനുള്ള ശ്രമങ്ങള്‍ തുടരുകയാണെന്നും മന്ത്രി അറിയിച്ചു.
മാക്‌സിമസ് എന്ന കപ്പലാണ് തട്ടിയെടുക്കപ്പെട്ടതെന്നും വിവരം ലഭിച്ചയുടന്‍ ഘാനയുടേയും നൈജീരിയയുടേയും സഹായം തേടുകയായിരുന്നെന്നും സുഷമാ സ്വരാജ് ട്വീറ്റ് ചെയ്തു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.