2019 April 22 Monday
കാലത്തില്‍നിന്ന് നിനക്കു നഷ്ടപ്പെട്ടതിന് ഇനി പകരമില്ല. അതില്‍നിന്ന് നേടിയെടുത്തതാകട്ടെ വിലമതിക്കപ്പെടുകയുമില്ല. -അത്വാഉല്ലാ സിക്കന്തറി

കംബള: കര്‍ണാടകയില്‍ പ്രക്ഷോഭങ്ങള്‍ ശക്തമാവുന്നു

ബെംഗളുരു: കര്‍ണാടകയില്‍ എരുമയോട്ട മത്സരമായ കംബളയ്ക്കുള്ള നിരോധനം നീക്കണമെന്നാവശ്യപ്പെട്ടുള്ള പ്രക്ഷോഭം ശക്തമാവുന്നു. ഇന്ന് മൂടബിദ്രിയില്‍ ഇരുപതിനായിരത്തോളം ആളുകള്‍ പങ്കെടുക്കുന്ന റാലിയും പ്രതിഷേധ കമ്പളയും നടത്തും. ജെല്ലിക്കെട്ടിന് സമാനമായ ഓര്‍ഡിനന്‍സ് കമ്പള നിരോധം ഒഴിവാക്കാനായി ഇറക്കണമെന്നാണ് പ്രതിഷേധക്കാരുടെ ആവശ്യം. കമ്പള നിരോധവുമായി ബന്ധപ്പെട്ട കേസ് കര്‍ണാടക ഹൈക്കോടതി 30 ന് പരിഗണിക്കുന്നുണ്ട്.

കഴിഞ്ഞദിവസം ഹൂബ്ലിയിലും മംഗലാപുരം ജെല്ലിക്കെട്ട് മോഡല്‍ സമരവുമായി ആളുകള്‍ രംഗത്തുവന്നിരുന്നു. പ്ലക്കാര്‍ഡുകളുമായി വിദ്യാര്‍ഥികളും നിരത്തിലിറങ്ങി. മൃഗസ്‌നേഹികളുടെ സംഘടനയായ പെറ്റയെ നിരോധിക്കണമെന്നും കംബള നടത്താന്‍ അനുവദിക്കണമെന്നുമാവശ്യപ്പെട്ടാണ് നൂറുകണക്കിനാളുകള്‍ പ്രക്ഷോഭം നടത്തുന്നത്. എരുമകളുമായി നിരത്തിലിറങ്ങിയ സമരക്കാര്‍ മുദ്രാവാക്യം മുഴക്കി.

പെറ്റ നല്‍കിയ ഹരജിയെ തുടര്‍ന്ന് കംബള നടത്തുന്നത് സുപ്രിംകോടതി വിലക്കേര്‍പ്പെടുത്തിയിരുന്നു. ഉഴുതുമറിച്ച വയലിലൂടെ എരുമകളെ മത്സരിച്ചോടിക്കുന്ന പരമ്പരാഗത ഉത്സവമാണ് കംബള.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.