2019 March 19 Tuesday
നല്ല ഹൃദയം സ്വര്‍ണത്തേക്കാള്‍ വിലപിടിപ്പുള്ളതാണ് – ഷേക് സ്പിയര്‍

ഓട്ടോ ഡ്രൈവറെ തട്ടിക്കൊണ്ടുപോകാന്‍ ശ്രമം; രണ്ടുപേര്‍ പിടിയില്‍

കഴക്കൂട്ടം: ഓട്ടോറിക്ഷ തടഞ്ഞുനിര്‍ത്തി ക്രൂരമായി മര്‍ദിച്ച ശേഷം ഡ്രൈവറെ തട്ടിക്കൊണ്ടു പോകാന്‍ ശ്രമം. സംഭവത്തില്‍ നാലംഗ സംഘത്തിലെ രണ്ടുപേര്‍ പിടിയില്‍. കഠിനംകുളം മര്യനാട് സ്വദേശികളായ ജോണ്‍ പോള്‍ (40), സിജിന്‍ (42) എന്നിവരാണു പിടിയിലായത്. കുന്നിനകം സ്വദേശിയും കണിയാപുരം ഓട്ടോ സ്റ്റാന്‍ഡിലെ ഡ്രൈവറുമായ നജീബ് (34) ആണ് ചൊവ്വാഴ്ച രാത്രി 11ന് അക്രമത്തിനിരയായത്. കഠിനംകുളം പൊലിസ് സ്റ്റേഷനു സമീപത്തുവച്ചായിരുന്നു സംഭവം. പെരുമാതുറയില്‍ യാത്രക്കാരെ ഇറക്കിയ ശേഷം തിരികെ വരുന്നതിനിടെ ബൈക്കിനു സൈഡ് കൊടുത്തില്ലെന്ന് പറഞ്ഞ് രണ്ടു ബൈക്കുകളിലെത്തിയ സംഘം നജീബിനെ പിടിച്ചിറക്കി മര്‍ദിക്കുകയായിരുന്നു. ഇതിനു ശേഷം സംഘം ഓട്ടോ തട്ടിയെടുത്ത് നജീബിനെ തട്ടിക്കൊണ്ടുപോകാന്‍ ശ്രമിച്ചു. ഒടുവില്‍ പൊലിസെത്തിയാണു നജീബിനെ മോചിപ്പിച്ചത്. സംഭവസ്ഥലത്തുനിന്നു തന്നെ രണ്ടുപേരെ പിടികൂടുകയായിരുന്നു.  സംഭവത്തില്‍ പ്രതിഷേധിച്ച് കണിയാപുരത്തെ ഓട്ടോറിക്ഷാ ഡ്രൈവര്‍മാര്‍ ഇന്നലെ ഓട്ടം നിര്‍ത്തിവച്ച് പൊലിസ് സ്റ്റേഷനിലെത്തി പരാതി നല്‍കി. പരുക്കേറ്റ നജീബ് മെഡിക്കല്‍ കോളജ് ആശുപത്രിയില്‍ ചികിത്സ തേടി.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.