2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഒളിച്ചോട്ടക്കാരൊപ്പം ഓടിത്തളര്‍ന്ന് കൊളവല്ലൂര്‍ പൊലിസ്

പാനൂര്‍: ഒളിച്ചോടുന്ന കമിതാക്കള്‍ക്കൊപ്പം ഓടിത്തളരുകയാണ് കൊളവല്ലൂര്‍ പൊലിസ് ഒരു വര്‍ഷം ഇത്തരത്തില്‍ അന്‍പതിലേറെ പരാതികളാണ് ഈ സ്‌റ്റേഷനിലെത്തുന്നത്.
മിക്കവാറും രക്ഷിതാക്കളാണ് പരാതിക്കാര്‍. പഠിക്കാനോ, ജോലിക്കോ പോയപെണ്‍മക്കളെ കാണാനില്ലെന്നപരാതിയുമായാണ് ഇവരെത്തുന്നത്.
ഒളിച്ചോടുന്ന ഇവരെ കണ്ടെത്തനായി പൊലിസ് അന്വേഷണം മുറുകുമ്പോഴെക്കും ദിവസങ്ങള്‍ക്കുള്ളില്‍ ഇവര്‍ വിവാഹിതരായി തിരിച്ചെത്താറാണ് പതിവെന്നു പൊലിസ് ഉദ്യോഗസ്ഥര്‍ പറയുന്നു. പൊലിസ് കണ്ടെത്തുന്നതിനു മുന്‍പെ കോടതിയില്‍ ഹാജരാകുന്നകേസുകളാണ് കൂടുതല്‍. പിന്നീട് ഈ പരാതികള്‍ നിലനില്‍ക്കാറില്ല.ബന്ധുക്കള്‍ സ്വമേധയാ പിന്‍വലിക്കും.
ഒളിച്ചോടുന്ന പ്രണയിതാക്കളില്‍ നേരത്തെ വിവാഹം കഴിച്ചവരും മക്കളുള്ളവരുമുണ്ട്. വീട്ടമ്മമാരാണ് ഈക്കാര്യത്തില്‍ മുന്‍പന്തിയില്‍.ഇത്തരം കേസുകള്‍ പിന്നീട് കുടുംബകോടതിയിലെത്താറാണ് പതിവ്.
മൊബൈല്‍ ഫോണിന്റെയും നവമാധ്യമങ്ങളുടെയും അമിതമായ ഉപയോഗമാണ് ഈ ഒളിച്ചോട്ടങ്ങള്‍ വര്‍ധിക്കാന്‍ കാരണമെന്നാണ് പൊലിസിന്റെ നിഗമനം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.