2018 February 17 Saturday
എല്ലാവരും ഒരുപോലെ കഴിവുള്ളവരാകണമെന്നില്ല. എന്നാല്‍, സ്വന്തം കഴിവുകളെ വികസിപ്പിച്ചെടുക്കാനുള്ള അവസരം ഏവര്‍ക്കും ഒരുപോലെയാണ്.
എ.പി.ജെ അബ്ദുല്‍ കലാം

ഒറ്റക്കൊളുത്ത്

സുഹ്‌റ പടിപ്പുര

അകന്നുമാറാന്‍ കുതറിയിട്ടും

ഒറ്റകൊളുത്താല്‍,
നിര്‍ബന്ധിച്ചൊരു
വലിച്ചുകൊണ്ടുപോക്ക്..
കുതിപ്പിന്റെ ഓരോ ഇടവേളകളിലും
സ്വാതന്ത്ര്യം മോഹിക്കുന്ന
ബോഗികളില്‍നിന്ന്,
ഇനിയൊരിക്കലും
കണ്ടുമുട്ടില്ലെന്നുറപ്പുണ്ടായിട്ടും
യാത്രപറയാതെ
ഇറങ്ങിപ്പോകുന്ന പ്രതീക്ഷകള്‍..
നിര്‍ത്താതെപോയ സ്റ്റേഷനില്‍നിന്ന്
ആളൊഴിഞ്ഞ കുപ്പയിലേക്ക്
കൂട്ടത്തോടെ കയറിയ മറവികള്‍
ഓര്‍മത്തുരുത്തിലേക്കൊരിക്കല്‍-
പ്പോലും തിരിഞ്ഞുനോക്കിയില്ല…
കറുത്ത ഗൗണിട്ടൊരു ഒറ്റക്കൈ
അപ്പോഴും ഇരകളെ തേടുകയായിരുന്നു…
തുരങ്കത്തെ ഓര്‍മിപ്പിച്ച
വാതിലുകള്‍കടന്ന്
ചോരച്ചുവയുള്ളൊരു നിലവിളി
പ്രാണരക്ഷാര്‍ഥം പുറത്തേക്കോടിയത്
വേഗത കൂടുതലായതുകൊണ്ടാകാം
ആരും കേട്ടില്ല…
എല്ലാറ്റിനും സാക്ഷിയായ കാലമപ്പോഴും,
എത്ര ഓടിയിട്ടും ഒപ്പമെത്താത്തൊരു
തീവണ്ടിപോലെ
കിതപ്പില്ലാതെ കുതിച്ചുകൊണ്ടേയിരുന്നു…!


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.