2019 March 22 Friday
തന്റെ അനുഗ്രഹങ്ങള്‍ കൊണ്ട് ഞങ്ങളെ ധാരാളം വെള്ളം കുടിപ്പിക്കുകയും ഞങ്ങളുടെ ദോശങ്ങള്‍ കാരണം അതിനെ ഉപ്പു രുചിയുള്ളതാക്കുകയും ചെയ്യാത്ത അല്ലാഹുവിനാണ് സര്‍വസ്‌തോത്രങ്ങളും -മുഹമ്മദ് നബി(സ)

ഒബാമ ഹിരോഷിമയിലെത്തും

വാഷിങ്ങ്ടണ്‍: യു.എസ് പ്രസിഡന്റ് ബറാക് ഒബാമ ഹിരോഷിമ സന്ദര്‍ശിക്കുന്നു. ജപ്പാനിലെ ഹിരോഷിമയില്‍ അമേരിക്ക ആണവ ബോംബ് വര്‍ഷിച്ചതിന് ശേഷം യുദ്ധസ്മാരകത്തിലെത്തുന്ന ആദ്യ യു.എസ് പ്രസിഡന്റാവും ബറാക് ഒബാമ.
ഈ മാസം 21 മുതല്‍ 28 വരേ ഒബാമ നടത്തുന്ന ഏഷ്യന്‍ രാജ്യങ്ങളിലെ സന്ദര്‍ശനങ്ങളുടെ ഭാഗമായാണ് ജപ്പാനിലുമെത്തുന്നത്. വിയറ്റ്‌നാമും യു.എസ് പ്രസിഡന്റിന്റെ സന്ദര്‍ശനത്തില്‍ ഉള്‍പ്പെടും.
രണ്ടാം ലോക യുദ്ധത്തിന്റെ ഭാഗമായി 1945 ആഗസ്ത് ആറിനാണ് ഹിരോഷിമയില്‍ യു.എസ് ആറ്റം ബോംബിട്ടത്. 140,000 ആളുകള്‍ മരിച്ചു.
ഇതിനുശേഷം യു.എസ് പ്രസിഡന്റ് പദവിയിലിരിക്കെ ആരും ഹിരോഷിമ സന്ദര്‍ശിച്ചിട്ടില്ലായിരുന്നു. പദവിയില്‍ നിന്നൊഴിവായ ശേഷമാണ് ജിമ്മി കാര്‍ട്ടര്‍ ഇവിടെയെത്തിയത്.
ആണവായുധങ്ങളില്ലാത്ത സമാധാന ലോകം എന്ന സന്ദേശത്തിന്റെ ഭാഗമായി ജപ്പാന്‍ പ്രധാനമന്ത്രി ഷിന്‍സോ ആബെയ്‌ക്കൊപ്പം ഒബാമ ഹിരോഷിമയിലേക്ക് ചരിത്രപരമായ യാത്ര നടത്തുമെന്ന് അദ്ദേഹത്തിന്റെ മാധ്യമ സെക്രട്ടറി അറിയിച്ചിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.