2020 April 07 Tuesday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

ഐ.പി.എല്‍: ജൂലൈ മുതല്‍ സപ്തംബര്‍ വരെ നടത്തിയേക്കും

 

മുംബൈ: കൊവിഡ് കാരണം പ്രതിസന്ധിയിലായ ഐ.പി.എല്‍ ജൂലൈ മതുല്‍ സപ്തംബര്‍ വരെ നടത്തിയേക്കുമെന്ന് റിപ്പോര്‍ട്ട്. ആദ്യം ഈ മാസം തുടങ്ങാനായിരുന്നു പദ്ധതിയുണ്ടായിരുന്നത്. എന്നാല്‍ കൊവിഡ് കാരണം തിയതി ഏപ്രില്‍ 15 ലേക്ക് നീട്ടുകയായിരുന്നു. എന്നാല്‍ ഏപ്രില്‍ 15നും നിലവിലെ സ്ഥിതിയില്‍ മാറ്റമുണ്ടാവില്ലെന്ന് കണ്ടതോടെയാണ് പുതിയ തിയ്യതിയെ കുറിച്ച് വീണ്ടും ബി.സി.സി.ഐ ചിന്തിച്ചത്. പുതിയ റിപ്പോര്‍ട്ടുകള്‍ പ്രകാരം ഈ വര്‍ഷം ജൂലൈ സപ്തംബര്‍ മാസങ്ങളിലായി ഐ.പി.എല്‍ സംഘടിപ്പിക്കുന്നതിനെ കുറിച്ച് ബി.സി.സി.ഐ ആലോചിക്കുന്നതായാണ് വിവരം. ഇംഗ്ലണ്ട@ും പാകിസ്താനുമൊഴികെ മറ്റു ടീമുകള്‍ക്കൊന്നും ഈ കാലയളവില്‍ കാര്യമായി മല്‍സരങ്ങളില്ല. പാകിസ്താന്‍ താരങ്ങള്‍ക്കാവട്ടെ നേരത്തേ തന്നെ ഐ.പി.എല്ലില്‍ കളിക്കാന്‍ അനുമതിയുമില്ല. ജുലൈ സപ്തംബര്‍ മാസങ്ങളിലായി ഐ.പി.എല്‍ സംഘടിപ്പിച്ചാല്‍ ഇംഗ്ലണ്ടെ@ാഴികെ മറ്റു രാജ്യങ്ങളില്‍ നിന്നുള്ളവര്‍ക്ക് ഐ.പി.എല്ലില്‍ കളിക്കാനാവുമെന്നതും ബി.സി.സി.ഐയുടെ നീക്കത്തിന് ശക്തി പകരുന്നു@ണ്ട്.
സപ്തംബര്‍ മാസത്തില്‍ ഏഷ്യാ കപ്പ് നടക്കുന്നുണ്ടെ@ന്നത് ബി.സി.സി.ഐയെ സംബന്ധിച്ച് ചെറിയ വെല്ലുവിളിയാണ്. കൂടാതെ ജൂണ്‍,ജൂലൈ മാസങ്ങളിലായി ശ്രീലങ്കയില്‍ ദൈര്‍ഘ്യം കുറഞ്ഞ പരമ്പരയും ഇന്ത്യയെ കാത്തിരിക്കുന്നു@ണ്ട്. ഈ സാഹചര്യത്തില്‍ ഐ.പി.എല്ലും ഇതിനിടെ സംഘടിപ്പിച്ചാല്‍ അത് താരങ്ങള്‍ക്കു തിരിച്ചടിയാവുമോയെന്നതാണ് ബി.സി.സി.ഐയുടെ ആശങ്ക.
2009ലെ ഐ.പി.എല്ലിനു ദക്ഷിണാഫ്രിക്ക വേദിയായപ്പോള്‍ 37 ദിവസങ്ങള്‍ക്കുള്ളില്‍ ടൂര്‍ണമെന്റ് തീര്‍ക്കാന്‍ കഴിഞ്ഞിരുന്നു. അഞ്ചാഴ്ചയും ര@ണ്ടു ദിവസവും കൊ@ണ്ട് ഐ.പി.എല്‍ അവസാനിച്ചിരുന്നു. സമാനമായ ഷെഡ്യൂള്‍ തയ്യാറാക്കിയാല്‍ ഐ.പി.എല്‍ പകുതി ഇന്ത്യയിലും പകുതി വിദേശത്തുമായി നടത്താന്‍ കഴിയും. അല്ലെങ്കില്‍ ടൂര്‍ണമെന്റ് മുഴുവനായും വിദേശത്തു നടത്താം. കൊറോണവൈറസ് ബാധയുടെ സാഹചര്യം കൂടി പരിഗണിച്ചായിരിക്കണം ഇക്കാര്യം തീരുമാനിക്കേണ്ട@തെന്നും ബി.സി.സിഐയുമായി ബന്ധപ്പെട്ട വൃത്തങ്ങള്‍ പറയുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.