2019 July 19 Friday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഐ.എസ് ബന്ധം: രണ്ട് വിദ്യാര്‍ഥികള്‍ പിടിയില്‍

ന്യൂഡല്‍ഹി: ഐ.എസുമായി ബന്ധമുണ്ടെന്ന് സംശയിക്കുന്ന രണ്ട് എന്‍ജിനീയറിങ് വിദ്യാര്‍ഥികളെ ഡല്‍ഹിയില്‍ ചെങ്കോട്ടക്കടുത്ത് പൊലിസ് അറസ്റ്റ് ചെയ്തു. ജമ്മുകശ്മിര്‍ സ്വദേശികളായ ഇവര്‍ക്ക് ഐ.എസുമായി ബന്ധമുണ്ടെന്ന സംശയത്തെ തുടര്‍ന്ന് ഡല്‍ഹി പൊലിസിലെ സ്‌പെഷ്യല്‍ സെല്ലാണ് അറസ്റ്റ് ചെയ്തത്. 

കശ്മിര്‍ ഷോപ്പിയാന്‍ ജില്ലയിലെ പര്‍വേസ് റാഷിദ്, ജംഷാദ് ജാഹൂര്‍ എന്നിവരാണ് പിടിയിലായത്. ഇവരില്‍ നിന്ന് വിദേശ നിര്‍മിത പിസ്റ്റളുകള്‍, വെടിയുണ്ടകള്‍ എന്നിവ പിടികൂടിയിട്ടുണ്ട്. ഇരുവരും എന്‍ജിനീയറിങ് വിദ്യാര്‍ഥികളാണെന്നും പൊലിസ് ഡെപ്യൂട്ടി കമ്മിഷനര്‍(സ്‌പെഷല്‍ സെല്‍) പി.എസ് കുശ്്‌വാഹ പറഞ്ഞു.
ഉത്തര്‍പ്രദേശില്‍ നിന്നാണ് ഇവര്‍ ആയുധങ്ങള്‍ വാങ്ങിച്ചതെന്നും ഡല്‍ഹിയായിരുന്നില്ല ഇവരുടെ ലക്ഷ്യമെന്നും പൊലിസ് പറഞ്ഞു. ജമ്മുകശ്മിരിലെ ഐ.എസ് ഘടകത്തിലെ പ്രമുഖരായ ഉമര്‍ ഇബ്ന്‍ നാസിറിന്റെയും ആദില്‍ തോകാറിന്റേയും നിര്‍ദേശങ്ങള്‍ അനുസരിച്ച് പ്രവര്‍ത്തിക്കുന്നവരാണ് ഇവരെന്നും പൊലിസ് പറയുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.