2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ഐ.എസില്‍ നിന്ന് ദാബിഖ് പിടിച്ചെടുത്ത് സിറിയന്‍ വിമതര്‍

 

ദാബിഖ്: ഐ.എസിന്റെ കയ്യിലായിരുന്ന വടക്കന്‍ സിറിയന്‍ നഗരമായ ദാബിഖ് തുര്‍ക്കിയുടെ പിന്തുണയുള്ള സിറിയന്‍ വിമതര്‍ പിടിച്ചെടുത്തു. മാസങ്ങളോളം വ്യോമാക്രമണം നടത്തിയും കനത്ത ഷെല്ലാക്രമണത്തിനൊടുവിലുമാണ് നഗരം കീഴടക്കിയതെന്ന് വിമത പോരാളികള്‍ പറഞ്ഞു.

ആഗോള തീവ്രവാദ സംഘടനയായ ഐ.എസിന്റെ ശക്തി പ്രദേശമായിട്ടാണ് ദാബിഖിനെ കണക്കാക്കിയിരുന്നത്. 2014 ഓഗസ്റ്റില്‍ പിടിച്ചടക്കിയതു മുതല്‍ ഐ.എസിന്റെ ഓണ്‍ലൈന്‍ മാഗസിന് ദാബിഖ് എന്നു നാമകരണം ചെയ്തിരുന്നു.

പിടിച്ചടക്കിയതായി പ്രഖ്യാപിച്ചതിനു തൊട്ടുപിന്നാലെ സിറിയ- തുര്‍ക്കി അതിര്‍ത്തിപ്രദേശമായ ഗാസിയാന്‍തെപ്പില്‍ ഒരു ചാവേര്‍ സ്‌ഫോടനം റിപ്പോര്‍ട്ട് ചെയ്തു.

ദാബിഖ് നഗരം പിടിച്ചെടുത്തതായി തുര്‍ക്കി പ്രസിഡന്റ് രജബ് ത്വയ്യിബ് ഉര്‍ദുഗാന്‍ സ്ഥിരീകരിച്ചിട്ടുണ്ട്. തുര്‍ക്കിയിലുള്ള 30 ലക്ഷത്തോളം സിറിയന്‍ അഭയാര്‍ഥികള്‍ അവരുടെ സ്വന്തം വീടുകളിലേക്ക് മടങ്ങുമെന്ന് അദ്ദേഹം പറഞ്ഞു. ദാബിഖിനെക്കൂടാതെ സമീപപ്രദേശങ്ങളും വിമതര്‍ കൈയ്യടക്കിയതായും റിപ്പോര്‍ട്ടുണ്ട്.

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News