2018 September 24 Monday
ആത്മാവിനെ ആയുധങ്ങള്‍ മുറിവേല്‍പ്പിക്കുന്നില്ല അഗ്നി ദഹിപ്പിക്കുന്നില്ല. ജലം നനയ്ക്കുന്നില്ല. കാറ്റ് ഉണക്കുന്നുമില്ല.
-ഭഗവത്ഗീത

ഐ.എച്ച്.ആര്‍.ഡി ടെക്‌നിക്കല്‍ ഹയര്‍സെക്കന്‍ഡറി സ്‌കൂള്‍ 11ാം ക്ലാസ് പ്രവേശനം

 

ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സസ് ഡെവലപ്‌മെന്റിന്റെ (ഐ.എച്ച്.ആര്‍.ഡി) ടെക്‌നിക്കല്‍ ഹയര്‍ സെക്കന്‍ഡറി സ്‌കൂളുകളില്‍ 2018-19 അധ്യയന വര്‍ഷത്തില്‍ 11ാം ക്ലാസ് പ്രവേശനത്തിന് അപേക്ഷ ക്ഷണിച്ചു.
കലൂര്‍ (എറണാകുളം, 0484 2347132), കപ്രശേരി (ചെങ്ങമനാട്, 0484 2604116), വാഴക്കാട് (മലപ്പുറം, 0483 2725215), വട്ടംകുളം (മലപ്പുറം, 0494 2681498), പെരിന്തല്‍മണ്ണ (മലപ്പുറം, 04933 225086), പുതുപ്പള്ളി (കോട്ടയം, 0481 2351485), പീരുമേട് (ഇടുക്കി, 04869 232899), മുട്ടം (തൊടുപുഴ, 04862 255755), മല്ലപ്പള്ളി (പത്തനംതിട്ട, 0469 2680574), മുട്ടട (തിരുവനന്തപുരം, 0471 2543888), അടൂര്‍ (04734 224078), വറഡിയം (തൃശൂര്‍, 0487 2214773), ആലുവ (0484 2623573), ചേര്‍ത്തല (പള്ളിപ്പുറം, ആലപ്പുഴ, 0478 2552828), തിരുത്തിയാട് (കോഴിക്കോട്, 0495 2721070) എന്നിവിടങ്ങളിലെ സ്‌കൂള്‍ പ്രവേശനത്തിനാണ് അപേക്ഷിക്കേണ്ടത്.
എസ്.എസ്.എല്‍.സിയോ തത്തുല്യ യോഗ്യതയോ നേടിയവര്‍ക്ക് അപേക്ഷിക്കാം.
പ്രവേശനത്തിനുള്ള ഉയര്‍ന്ന പ്രായപരിധി 2018 ജൂണ്‍ ഒന്നിനു 20 വയസാണ്. (പട്ടികജാതി, പട്ടികവര്‍ഗ വിഭാഗക്കാര്‍ക്ക് 22 വയസ്). അപേക്ഷാഫോമും വിവരണവും ംംം.ശവൃറ.മര.ശി എന്ന വെബ്‌സൈറ്റില്‍നിന്ന് പ്രിന്റ് ചെയ്‌തെടുക്കുകയോ അതാത് സ്‌കൂളുകളില്‍നിന്നു നേരിട്ടു വാങ്ങുകയോ ചെയ്യാം. പൂരിപ്പിച്ച അപേക്ഷയും അനുബന്ധ രേഖകളും 100 രൂപ രജിസ്‌ട്രേഷന്‍ ഫീസ് സഹിതം (പട്ടികജാതി, പട്ടികവര്‍ഗ വിദ്യാര്‍ഥികള്‍ക്ക് 50 രൂപ) ഈ മാസം 30നു വൈകിട്ട് മൂന്നിനു മുന്‍പു ബന്ധപ്പെട്ട സ്‌കൂളില്‍ ലഭിക്കണം.
രജിസ്‌ട്രേഷന്‍ ഫീസ് സ്‌കൂള്‍ ഓഫിസില്‍ പണമായോ ബന്ധപ്പെട്ട സ്‌കൂള്‍ പ്രിന്‍സിപ്പലിന്റെ പേരില്‍ മാറാവുന്ന ഡി.ഡി ആയോ അയയ്ക്കാം.
ഓരോ സ്‌കൂളിനും പ്രത്യേക റാങ്ക് ലിസ്റ്റ് തയാറാക്കി പ്രവേശനം നടത്തുന്നതിനാല്‍ വിദ്യാര്‍ഥികള്‍ ആഗ്രഹിക്കുന്ന സ്‌കൂളിലേക്ക് അപേക്ഷ നല്‍കണം.
കവറിനു പുറത്ത് 11ാം ക്ലാസ് പ്രവേശനത്തിനുള്ള അപേക്ഷ 2018-19 എന്ന് എഴുതിയിരിക്കണം. രജിസ്‌ട്രേഷന്‍ ഫീസായി മണി ഓര്‍ഡര്‍, പോസ്റ്റല്‍ ഓര്‍ഡര്‍, ചെക്ക് മുതലായവ സ്വീകരിക്കില്ല.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.