2018 November 17 Saturday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

എലിപ്പനി: പ്രതിരോധത്തിന് ഏഴിന കര്‍മ്മപദ്ധതിയുമായി തൊടുപുഴ നഗരസഭ

തൊടുപുഴ: എലിപ്പനി പ്രതിരോധത്തിന് ഏഴിന കര്‍മ്മപദ്ധതിയുമായി തൊടുപുഴ നടഗരസഭ. ബോധവല്‍ക്കരണം, പ്രതിരോധ മരുന്നു വിതരണം, ജലസ്രോതസ്സുകളുടെ ക്ലോറിനേഷന്‍, കെട്ടി നില്‍ക്കുന്ന മലിനജലവും, ഓടകളും ബ്ലിച്ചിംഗ് പൗഡര്‍ ഉപയോഗിച്ച് ശുചികരണം, വിദ്യാലയങ്ങളില്‍ എലിപ്പനി പ്രതിരോധ പ്രതിജ്ഞ, കോര്‍ണര്‍ യോഗങ്ങള്‍ എന്നിവയാണ് പദ്ധതിയില്‍ ഉള്‍പ്പെടുത്തിയിട്ടുള്ളത്. നഗരസഭാ ആരോഗ്യവിഭാഗം, ജില്ലാ ആശുപത്രി, ജില്ലാ വെക്ടര്‍ കണ്‍ട്രോള്‍ യൂണിറ്റ് എന്നിവയുടെ നേതൃത്വത്തിലാണ് പ്രവര്‍ത്തനങ്ങള്‍ നടത്തുക. എലിപ്പനിയുടെ പ്രധാന ലക്ഷണങ്ങള്‍ ശക്തമായ പനി, വയറുവേദന, തൊണ്ടവേദന, കണ്ണിന് ചുവപ്പ്, പേശി വേദന (പ്രത്യേകിച്ച് കാലുകളില്‍) ഛര്‍ദ്ദി, കുളിരും വിറയലും, തലവേദന, തളര്‍ച്ച എന്നിവയാണ്.എലിപ്പനി വരാതിരിക്കാന്‍ താഴെ പറയുന്ന കാര്യങ്ങള്‍ പ്രത്യേകം ശ്രദ്ധിക്കണം. മലിനജലങ്ങളില്‍ ഇറങ്ങുകയോ, നിന്തുകയോ ചെയ്യരുത്. ശരീരത്തിലെ മുറിവുകള്‍ വ്യത്തിയായി കെട്ടി സൂക്ഷിക്കുക, കിണറുകളും മറ്റ് ജല സ്രോതസ്സുകളും ക്ലോറിനേറ്റ് ചെയ്യുക, വെള്ളത്തില്‍ മുങ്ങിക്കിടന്ന ഭഷണസാധനങ്ങള്‍ ഉപയോഗിക്കരുത്, ഭക്ഷണവസ്തുക്കള്‍ വേവിച്ച് കഴിക്കുകയും, തിളപ്പിച്ചാറിയ വെള്ളം മാത്രം കുടിക്കാന്‍ ഉപയോഗിക്കുകയും ചെയ്യുക. ഡോക്‌സി സൈക്ലിന്‍ ഗുളികകള്‍ വാങ്ങി കഴിക്കുക.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.