2020 August 13 Thursday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

എന്‍.സി.സി റോഡരികിലേ മാലിന്യം തള്ളല്‍; ജനം പൊറുതി മുട്ടി

തലശ്ശേരി: എന്‍.സി.സി റോഡ് പരിസരം മാലിന്യ കേന്ദ്രമായി മാറുന്നു. പ്ലാസ്റ്റിക്ക് ഉള്‍പ്പെടെയുള്ള ഭക്ഷണഅവശിഷ്ടങ്ങളാണ് അലക്ഷ്യമായി ഇവിടെ തള്ളുന്നത്. ഇതുവഴി കടന്നുപോകുന്ന യാത്രക്കാര്‍ക്കും പ്രദേശവാസികള്‍ക്കും ദുര്‍ഗന്ധമാണ് നേരിടേണ്ടി വരുന്നത്. മേഖലയില്‍ തെരുവുനായയുടെ ശല്യം രൂക്ഷമായിരിക്കെയാണ് ഇത്തരത്തില്‍ പരിസരം മാലിന്യ കൂമ്പാരമായി മാറിയിരിക്കുന്നത്. മാലിന്യത്തിന്റെ ദുരിതത്തിനു പുറമെ നായയുടെ അക്രമത്തില്‍ നിന്നു കഷ്ടപ്പെട്ടാണ് രക്ഷപ്പെട്ടു പോകുന്നത്. ഭക്ഷണ അവശിഷ്ടങ്ങളും മറ്റും പ്ലാസ്റ്റിക് സഞ്ചിയിലാക്കി രാത്രിയുടെ മറവില്‍ വാഹനങ്ങളിലെത്തിയാണ് ഇവിടെ പുറംതള്ളുന്നതെന്ന് ആക്ഷേപം ഉണ്ട്. ദിവസംതോറും ഇവിടെ മാലിന്യ കൂമ്പാരമായി മാറുകയാണ്. മാലിന്യം തള്ളുന്നതിനെതിരേ പ്രദേശവാസികള്‍ നിരവധി തവണ അധികൃതര്‍ക്കു പരാതി നല്‍കിയിരുന്നു. ഇതുവരെ യാതൊരു ഇടപെടലും അധികൃതരുടെ ഭാഗത്തു നിന്നുണ്ടായില്ലെന്നാണ് പ്രദേശവാസികളുടെ പരാതി. ചിലര്‍ മാലിന്യത്തിന് തീയിട്ടു സ്ഥലം വിടുന്നതായും പരാതിയുണ്ട്. അത്തരം സന്ദര്‍ഭങ്ങളില്‍ പരിസരം വിഷപുകയായി മാറുകയാണ്. റോഡ് പ്രവൃത്തി കഴിഞ്ഞതിന്റെ അവശിഷ്ടങ്ങളും ഇതുവരെ ഇവിടെ നിന്നു എടുത്തുമാറ്റിയിട്ടില്ല. കാലവര്‍ഷം വന്നാല്‍ മാലിന്യകാരണം പ്രദേശവാസികള്‍ക്ക് പകര്‍ച്ചവ്യാധി പിടികൂടുമെന്ന ഭീതിയിലാണ്. എത്രയും പെട്ടെന്ന് അധികൃതര്‍ മാലിന്യം ഇവിടെ നിന്നു നീക്കം ചെയ്യണമെന്നാണ് പ്രദേശവാസികളുടെ ആവശ്യം.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.