2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഉപവാസ സമരം നടത്തും

കൊച്ചി: ബി.എ ക്രിമിനോളജി എല്‍.എല്‍.ബി കോഴ്‌സിന്റെ അംഗീകാരവുമായി ബന്ധപ്പെട്ട് നിലനില്‍ക്കുന്ന അനിശ്ചിതത്വം പരിഹരിക്കണമെന്ന് ആവശ്യപ്പെട്ട് സംയുക്ത സമര സമിതി ലോ കോളജ് ക്യാംപസില്‍ ഉപവാസ സമരം നടത്തും.
എംജി യൂണിവേഴ്‌സിറ്റി, കോളജ് അധികൃതര്‍, ബാര്‍ കൗണ്‍സില്‍, യുജിസി എന്നിവര്‍ അടിയന്തര നടപടി കൈക്കൊള്ളണമെന്നാവശ്യപ്പെട്ട് എം.എസ്.എഫ്, കെ.എസ്.യു, എ.ഐ.എസ്.എഫ്, എ.ബി.വി.പി എന്നീ സംഘടനകള്‍ ചേര്‍ന്നാണ് സമരസമിതിക്ക് രൂപം നല്‍കിയിരിക്കുന്നത്.
രാഷ്ട്രീയത്തിന് അതീതമായി വിഷയത്തിന്റെ പ്രാധാന്യം മനസിലാക്കിയാണ് വിവിധ വിദ്യാര്‍ഥി സംഘടനകള്‍ സംയുക്ത സമര സമിതിക്കു രൂപം നല്‍കിയതെന്നും ലോ കോളജില്‍ ഈ വര്‍ഷം പഠിച്ചിറങ്ങുന്ന വിദ്യാര്‍ഥികള്‍ക്ക് അഭിഭാഷകരായി എന്റോള്‍ ചെയ്യാന്‍ പറ്റാത്ത സാഹചര്യമാണ് നില നില്‍ക്കുന്നതെന്നും നേതാക്കള്‍ പറഞ്ഞു. ഇന്നലെ കോളജില്‍ നടന്ന സമര പ്രഖ്യാപന കണ്‍വെന്‍ഷനില്‍ വിവിധ വിദ്യാര്‍ഥി സംഘടന നേതാക്കളായ അയ്യപ്പദാസ്, ചന്ദ്രപാല്‍, അനസ്, അനന്ത് വിഷ്ണു, ആബിദ് അലി, സ്‌കാനിഷ് സുകുമാരന്‍, അരുണ്‍ കെ.പി എന്നിവര്‍ സംസാരിച്ചു.
അഞ്ചു വര്‍ഷങ്ങള്‍ക്ക് മുമ്പാണ് പുതിയ സിലബസോടെ ബി.എ ക്രിമിനോളജി എല്‍.എല്‍.ബി (ഹോണേഴ്‌സ്) ഡിഗ്രി കോളജില്‍ തുടങ്ങിയത്. എന്നാല്‍ ഈ കോഴ്‌സിന് യു.ജി.സിയുടെയോ ബാര്‍ കൗണ്‍സില്‍ ഓഫ് ഇന്ത്യയുടെ അംഗീകാരമോ എം.ജി സര്‍വകലാശാല നേടിയിരുന്നില്ല.
കഴിഞ്ഞ ആഴ്ച കോളജിലെ ഒരു വിദ്യാര്‍ഥിക്ക് വിവരാവകാശ നിയമ പ്രകാരം ലഭിച്ച മറുപടിയിലാണ് ഇക്കാര്യം വ്യക്തമായത്. ഇന്ന് നടക്കുന്ന ഉപവാസ സമരത്തിന് ശേഷവും അധികൃതര്‍ നടപടികള്‍ സ്വീകരിച്ചില്ലെങ്കില്‍ അനിശ്ചിത കാല ഉപവാസ സമരം നടത്താനാണ് സമര സമിതിയുടെ തീരുമാനം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.