2019 June 20 Thursday
നീ നിനക്കുതന്നെ ദീപമായി വര്‍ത്തിക്കുന്നുവെങ്കില്‍ നീ നിന്നില്‍തന്നെ അഭയം കണ്ടെത്തുന്നുവെന്ന് സാരം – ബുദ്ധന്‍

ഉത്തര്‍പ്രദേശ് ബാര്‍ കൗണ്‍സില്‍ അധ്യക്ഷ വെടിയേറ്റ് മരിച്ചു

ലഖ്‌നൗ: പുതിയതായി തെരഞ്ഞെടുക്കപ്പെട്ട ഉത്തര്‍പ്രദേശ് ബാര്‍ കൗണ്‍സിലിന്റെ ആദ്യ വനിതാ ചെയര്‍പേഴ്‌സണ്‍ അഡ്വ. ധര്‍വേഷ് യാദവ് വെടിയേറ്റ് മരിച്ചു. ആഗ്രാ കോടതി വളപ്പില്‍വച്ചാണ് അവര്‍ക്ക് വെടിയേറ്റത്. അഭിഭാഷകനായ മനീഷ് ശര്‍മയാണ് ഇവര്‍ക്കുനേരെ നിറയൊഴിച്ചത്. സംഭവത്തിന് പിന്നാലെ ഇയാളും വെടിവച്ച് ആത്മഹത്യക്ക് ശ്രമിച്ചു. ഗുരുതരാവസ്ഥയില്‍ മനീഷിനെ ആശുപത്രിയില്‍ പ്രവേശിപ്പിച്ചു.
ഇന്നലെ ഉച്ചക്ക് 2.30ന് ആഗ്ര സിവില്‍ കോടതിയില്‍ ആദ്യമായി എത്തിയപ്പോഴായിരുന്ന ശര്‍മ ഇവര്‍ക്കുനേരെ വെടിയുതിര്‍ത്തത്. ധര്‍വേഷ് യാദവുമായി വര്‍ഷങ്ങള്‍ പരിചയമുള്ള ആളാണ് മനീഷ് ശര്‍മയെന്ന് ആഗ്ര സിറ്റി അഡിഷനല്‍ സൂപ്രണ്ട് പ്രവീണ്‍ വര്‍മ പറഞ്ഞു. മൂന്നു തവണയാണ് ധര്‍വേഷിനു നേരെ ഇയാള്‍ വെടിയുതിര്‍ത്തത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
ധര്‍വേഷ് യാദവിന്റെ നിര്യാണത്തില്‍ ബാര്‍ കൗണ്‍സില്‍ ഓഫ് ഇന്ത്യ അനുശോചിച്ചു. അവരുടെ കുടുംബത്തിന് 50 ലക്ഷം രൂപ നഷ്ടപരിഹാരം നല്‍കണമെന്നും കൗണ്‍സില്‍ യു.പി സര്‍ക്കാരിനോട് ആവശ്യപ്പെട്ടു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.