2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഈ 74 പേര്‍ ഇനി കേരളാ പൊലിസില്‍

 

തൃശൂര്‍: രാമവര്‍മ്മപുരം കേരളാ പൊലിസ് അക്കാദമിയില്‍ പ്രത്യേക പരിശീലനം പൂര്‍ത്തിയാക്കിയ 74 പൊലിസ് കോസ്റ്റബിള്‍മാരുടെ പാസിങ് ഔട്ട് പരേഡില്‍ സംസ്ഥാന പൊലിസ് മേധാവി ലോക്‌നാഥ് ബെഹ്‌റ സല്യൂട്ട് സ്വീകരിച്ചു.

ഐ ജി ഡോ. ബി സന്ധ്യ, ഡിഐ.ജി ട്രെയിനിങ് അനൂപ് ജോ കുരുവിള എന്നിവര്‍ സന്നിഹിതരായിരുന്നു. അടിസ്ഥാന പരിശീലനം കൂടാതെ തീവ്രവാദപ്രവര്‍ത്തനങ്ങള്‍ തടയുന്നതിനുള്ള പ്രത്യേക പരിശീലനം, അത്യാധുനിക ആയുധങ്ങള്‍ ഉപയോഗിച്ചുള്ള രാത്രികാല ഫയറിങ് പരിശീലനം, തീരദേശപരിപാലനത്തിനുള്ള പ്രത്യേക പരിശീലനം എന്നിവയ്‌ക്കൊപ്പം കംപ്യൂട്ടര്‍, നീന്തല്‍, യോഗ, കരാട്ടെ പരിശീലനവും ഇവര്‍ക്ക് നല്‍കിയിട്ടുണ്ട്.
74 ട്രെയ്‌നികളില്‍ രണ്ട് പേര്‍ ബിരുദാനന്തര ബിരുദം ഉള്ളവരും രണ്ട് പേര്‍ ബിരുദവും ബി.എഡ് ഉള്ളവരും ഏഴ് പേര്‍ ബിരുദധാരികളും ഒരാള്‍ ഡിപ്ലോമ യോഗ്യതയുളളയാളും ഒരാള്‍ ടി.ടി.സി യോഗ്യതയുള്ളയാളും 30 പേര്‍ പ്ലസ് ടു യോഗ്യത ഉള്ളവരും 31 പേര്‍ എസ്.എസ്.എല്‍.സി. യോഗ്യതയുള്ളവരുമാണ്.

പ്രത്യേക നിയമനം വഴി തിരഞ്ഞെടുക്കപ്പെട്ട 74 പേരില്‍ 24 പേര്‍ പെകുട്ടികളാണ്. ദേശീയ കബഡി താരവും സംസ്ഥാന വനിതാ ഫുട്‌ബോള്‍ ടീമംഗവുമായിരുന്ന എം. അശ്വതിയും ദേശീയ ജൂഡോ ചാമ്പ്യന്‍ഷിപ്പില്‍ പങ്കെടുത്ത സി.ഈശ്വരിയും ഇവരില്‍ ഉള്‍പ്പെടുന്നു.
ബെസ്റ്റ് കേഡറ്റിനുള്ള ട്രോഫി ഐ.വി സൗമ്യയും ബെസ്റ്റ് ഔട്ട് ഡോറിനുള്ള ട്രോഫി എം.അശ്വതിയും ബെസ്റ്റ് ഇന്‍ഡോറിനുള്ള ട്രോഫി പി.അജിലയും ബെസ്റ്റ് ഷൂട്ടര്‍ക്കുള്ള ട്രോഫി വി.ലിങ്കണും സ്വീകരിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News