2019 August 19 Monday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ഈ ഗ്രാമത്തില്‍ മദ്യപിച്ചാല്‍ പിഴ നല്‍കണം; പണമല്ല, തേങ്ങ

റായ്പൂര്‍: നിയമലംഘനങ്ങള്‍ക്ക് പിഴ നല്‍കുക എന്നത് എല്ലായിടത്തും ഒരുപോലെയാണ് എന്നാല്‍ ചത്തീസ്ഗഡിലെ ഒരു ഗ്രാമത്തില്‍ മദ്യപിച്ചാലും പിഴ നല്‍കണം. പണമല്ല പിഴയായി അടക്കേണ്ടത് പകരം തേങ്ങയാണ്. ചത്തീസ്ഗഡിലെ കോര്‍ബ ജില്ലയിലെ ഒരു പഞ്ചായത്തിലാണ് മദ്യപാനത്തിന് തേങ്ങ പിഴയായി നല്‍കേണ്ടത്.

ആദിവാസികള്‍ അധികമുള്ള ഗ്രാമമാണിത്. അരിയില്‍ നിന്നുണ്ടാക്കുന്ന ഒരു തരം മദ്യമാണ് ഇവിടെ സാധാരണയായി ഉപയോഗിക്കുന്നത്. ദിനവും കുട്ടികളും യുവാക്കളുമടക്കം മദ്യത്തിന് അടിമപ്പെട്ടതോടെയാണ് പിഴ അടക്കുക എന്ന ചെറിയ ശിക്ഷ നടപ്പാക്കാന്‍ തീരുമാനിച്ചതെന്ന് ഗ്രാമത്തലവനായ സനിചരണ്‍ മിഞ്ച് പറഞ്ഞു. ഈ ശിക്ഷ അവഗണിച്ച് വീണ്ടും മദ്യപിച്ചാല്‍ പൊലീസില്‍ പരാതി നല്‍കുമെന്നും ഗ്രാമത്തലവന്‍ പറഞ്ഞു.

വൈദ്യുതിയോ പ്രത്യേകം വിനോദോപാധികളോ ഇല്ലാത്ത ഗ്രാമത്തില്‍ സമയം കളയാനായി ആളുകള്‍ കൂട്ടം കൂടി ഇരിക്കുകയോ ഒരുമിച്ചിരുന്ന് മദ്യപിക്കുകയോ ആണ് ചെയ്യാറ്. ഈ സാഹചര്യത്തില്‍ മദ്യം നിരോധിക്കുക എന്നത് പ്രായോഗികമല്ലാത്ത കാര്യമാണ്. മദ്യം ഉണ്ടാക്കുകയും ജോലി കഴിഞ്ഞ് വൈകിട്ട് അത് കുടിക്കുകയും ചെയ്യുക എന്നത് ഇവിടെ പതിവാണ് ഇതോടെ ഇത്തരത്തില്‍ ഒരു ചെറിയ ശിക്ഷ നല്‍കാന്‍ തീരുമാനിക്കുകയായിരുന്നെന്നും മിഞ്ച് പറയുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News