2019 March 26 Tuesday
നീതി ലഭ്യമാക്കാനുള്ള എളുപ്പമാര്‍ഗം മറ്റുള്ളവര്‍ക്കു നീതി വാങ്ങിക്കൊടുക്കലാണ്. -മഹാത്മജി

ഇ അഹമ്മദിനോട് അനാദരവ്; പ്രധാനമന്ത്രി മാപ്പു പറയണമെന്ന് വി.ടി. ബല്‍റാം

ജിദ്ദ: മുതിര്‍ന്ന പാര്‍ലമെന്റേറിയനും മുന്‍ വിദേശകാര്യ മന്ത്രിയുമായിരുന്ന ഇ. അഹമ്മദിനോട് കേന്ദ്രസര്‍ക്കാര്‍ കാണിച്ച അനാദരവിന് പ്രധാനമന്ത്രി നരേന്ദ്രമോദി കേരള ജനതയോട് മാപ്പ് പറയണമെന്ന് വി.ടി ബല്‍റാം എം.എല്‍.എ ആവശ്യപ്പെട്ടു.

ഇ. അഹമ്മദിന്റെ ഭൗതിക ശരീരം ഡല്‍ഹിയിലിരിക്കെ കേന്ദ്ര സര്‍ക്കാര്‍ പാര്‍ലമെന്റില്‍ ബജറ്റ് സമ്മേളനം നടത്തിയ നടപടി മനുഷ്യത്വവിരുദ്ധമാണെന്നും കോണ്‍ഗ്രസ് ഈ വിഷയത്തില്‍ തുടര്‍ന്നും പ്രതിഷേധമുയര്‍ത്തുമെന്നും വി.ടി.ബല്‍റാം എം.എല്‍.എ പറഞ്ഞു.

ജിദ്ദയില്‍ കെ.എം.സി.സി സെന്‍ട്രല്‍ കമ്മിറ്റി നടത്തിയ ഇ അഹമ്മദ് അനുസ്മരണ പരിപാടിയില്‍ സംസാരിക്കുകയായിരുന്നു ബല്‍റാം. ഐക്യ രാഷ്ട്ര സഭയില്‍ കശ്മിര്‍ പ്രശ്‌നത്തില്‍ പാകിസ്താന്റെ നിലപാട് തെറ്റാണെന്ന് ഇന്ത്യക്ക് വേണ്ടി വാദിക്കുകയും അതേസമയം കഷ്ട്ടപ്പെടുന്ന കശ്മിരികള്‍ക്ക് വേണ്ടി ഇന്ത്യന്‍ പാര്‍ലമെന്റില്‍ ശബ്ദമുയര്‍ത്താനും സാധിച്ച ഒരുവ്യക്തി കൂടിയായിരുന്നു അദ്ദേഹമെന്നും ബല്‍റാം കൂട്ടിച്ചേര്‍ത്തു.

അനുസ്മരണ സമ്മേളനം കെ.എം.സി.സി നാഷണല്‍ പ്രസിഡന്റ് കെ.ടി. മുഹമ്മദ് ഉദ്ഘാടനം ചെയ്തു. അഹമ്മദ് പാളയത്ത്, അബൂബക്കര്‍ അരിമ്പ്ര എന്നിവര്‍ സംസാരിച്ചു. ജിദ്ദയുടെ വിവിധ ഭാഗങ്ങളില്‍ നിന്നും രാഷ്ട്രീയസാമൂഹിക രംഗത്തെ നിരവധി പേര്‍ ചടങ്ങില്‍ പങ്കെടുക്കാനെത്തി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.