2019 February 19 Tuesday
യുക്തിയും ശാന്തമായി തീരുമാനമെടുക്കാനുള്ള കഴിവുമാണ് ഒരു നേതാവിനുവേണ്ട വിശിഷ്ടഗുണങ്ങള്‍ -കോര്‍ണിലിയസ് ടാസിറ്റസ്‌

ഇസ്‌ലാമിക് പ്രീ പ്രൈമറി പഠനം കാലത്തിന്റെ ആവശ്യം: അബ്ബാസലി തങ്ങള്‍

കുറ്റ്യാടി: ഇസ്‌ലാമിക് പ്രീപ്രൈമറി പഠനമായ അല്‍ബിര്‍റ് സംവിധാനം കാലത്തിന്റെ ആവശ്യമാണെന്നും അതിനെ പ്രോത്സാഹിപ്പിക്കണമെന്നും പാണക്കാട് സയ്യിദ് അബ്ബാസലി ശിഹാബ് തങ്ങള്‍. തളീക്കര അലിഫ് സ്‌പെയ്‌സ് അല്‍ബിര്‍റ് ഇസ്‌ലാമിക് പ്രി സ്‌കൂളില്‍ നടന്ന സി സോണ്‍ കിഡ്‌സ് ഫെസ്റ്റിന്റെ ഉദ്ഘാടനം നിര്‍വ്വഹിച്ചു സംസാരിക്കുകയായിരുന്നു അദ്ദേഹം.  ഇളം പ്രായത്തില്‍ തന്നെ തീര്‍ത്തും ഇസ്‌ലാമിക സംസ്‌കാരത്തിലൂന്നിയ പഠനമായതിനാല്‍ വരുംകാലയളവില്‍ സമൂഹത്തില്‍ വലിയ മാറ്റത്തിന് ഇത് വഴിയൊരുക്കും. കേവലം മനഃപാഠ പഠനത്തിനപ്പുറത്ത് വ്യക്തിത്വ വികാസ പരിശീലനവും കുടുംബ ബന്ധങ്ങളോടുള്ള പ്രതിബദ്ധതയും അല്‍ബിര്‍റിലെ ശാസ്ത്രീയ പഠനത്തിലൂടെ സാധ്യമാകുന്നുവെന്നും തങ്ങള്‍ കൂട്ടിച്ചേര്‍ത്തു. ടി.വി.സി അബ്ദുസ്സമദ് ഫൈസി പതാക ഉയര്‍ത്തി. സ്വാഗതസംഘം ചെയര്‍മാന്‍ വി.പി കുഞ്ഞബ്ദുല്ല മാസ്റ്റര്‍ അധ്യക്ഷനായി. ശന്‍സ ഫാത്തിമ ഖിറാഅത്ത് പാരായണം നടത്തി. സുവനീര്‍ പ്രകാശനം വി.പി അബ്ദുറഹ്മാന്‍ ഹാജിക്ക് നല്‍കി അബ്ബാസലി ശിഹാബ് തങ്ങള്‍ നിര്‍വ്വഹിച്ചു. സയ്യിദ് അലി തങ്ങള്‍ പാലേരി, മൊയ്തു മാസ്റ്റര്‍ വാണിമേല്‍, ഹാജി. കെ.എ പൊറോറ, പി.കെ കുഞ്ഞമ്മദ്, ഇ. അബ്ദുല്‍ അസീസ് മാസ്റ്റര്‍, ഇമ്പിച്ചിക്കോയ തങ്ങള്‍, ഉമര്‍ മൊലവി വയനാട്, ജി.എസ് അബ്ദുല്ല ഹാജി, പി.കെ ഹമീദ്, അബ്ദുസ്സലാം റഹ്മാനി, സി.കെ അന്ത്രു, ഇസ്മാഈല്‍ ദാരിമി വെള്ളമുണ്ട, പി.പി അബ്ദുറഹിമാന്‍ ഹാജി, സി.കെ പോക്കര്‍, യു.കെ അബ്ദുല്‍ ഹമീദ് ഹാജി, അന്‍വര്‍ അടുക്കത്ത്, പി.കെ നവാസ് സംസാരിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.