2020 July 13 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഇരിക്കൂറില്‍ ലീഡ് കൂട്ടാന്‍ യു.ഡി.എഫ്; തടയിടാന്‍ എല്‍.ഡി.എഫ്

ആലക്കോട്: ലോക്‌സഭാ തെരഞ്ഞെടുപ്പ് പ്രചാരണത്തില്‍ ഇരിക്കൂര്‍ നിയോജക മണ്ഡലത്തില്‍ പോരാട്ടം കടുപ്പിച്ച് മുന്നണികള്‍. എക്കാലവും യു.ഡി.എഫിന്റെ കുത്തകയായ മണ്ഡലത്തില്‍ ഇത്തവണ കടുത്ത പോരാട്ടത്തിന് ഒരുങ്ങുകയാണു മൂന്നുമുന്നണികളും. ഇക്കുറി 30,000 വോട്ട് ഭൂരിപക്ഷം ലക്ഷ്യമിട്ടാണു യു.ഡി.എഫ് പ്രവര്‍ത്തനം.
എന്നാല്‍ ഇതു തടയുന്നതിനുള്ള കഠിന പരിശ്രമത്തിലാണ് എല്‍.ഡി.എഫ്. കണ്ണൂര്‍ ലോക്‌സഭാ മണ്ഡലത്തില്‍ ഇരിക്കൂറിലാണു യു.ഡി.എഫിന് ഏറ്റവും കൂടുതല്‍മേല്‍ക്കൈ. എല്‍.ഡി.എഫ് ശക്തിമണ്ഡലങ്ങളായ മട്ടന്നൂരിലും ധര്‍മടത്തും നേടുന്ന ലീഡ് പേരാവൂരിനൊപ്പം മറികടക്കാനാകുമെന്നു മണ്ഡലത്തിലെ യു.ഡി.എഫ് നേതൃത്വം കണക്കുകൂട്ടുന്നു.
2009ല്‍ കെ. സുധാകരന്‍ ജയിച്ചപ്പോള്‍ ഇരിക്കൂറില്‍ നിന്ന് 29,000 വോട്ടിന്റെ ഭൂരിപക്ഷം ലഭിച്ചിരുന്നു.
പുതിയ വോട്ടര്‍മാര്‍ കൂടിയാകുമ്പോള്‍ ഇതു 30,000 കടക്കുമെന്നാണു യു.ഡി.എഫിന്റെ പ്രതീക്ഷ. എന്നാല്‍ ഈ കണക്കുകളില്‍ അടിസ്ഥാനമില്ലെന്നാണ് എല്‍.ഡി.എഫിന്റെ വാദം. എന്നാല്‍ കഴിഞ്ഞതവണത്തെ തെരഞ്ഞെടുപ്പ് പോലെ ഇക്കുറിയും യു.ഡി.എഫ് കോട്ടകളില്‍ സ്വാധീനം ചെലുത്താനാകുമെന്നാണ് എല്‍.ഡി. എഫ് നേതാക്കളുടെ അവകാശവാദം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.