2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഇരട്ടപ്പേരില്‍ പരശുറാമിന്റെ ഓട്ടം

കോഴിക്കോട്: വ്യത്യസ്ത ട്രെയിനുകളുടെ കോച്ചുകള്‍ കൂട്ടിക്കെട്ടി റെയില്‍വേ ട്രെയിന്‍ ഓടിക്കാറുണ്ട്. ചിലപ്പോള്‍ ജനശതാബ്ദിയുടെ കോച്ചുമായി ഇന്റര്‍സിറ്റിയും ഇന്റര്‍സിറ്റിയുടെ കോച്ചുകളുമായി ഏറനാടും പരശുവും ഓടാറുണ്ട്. ട്രെയിനിന്റെ ഇരുവശങ്ങളിലുമുള്ള ഡിസ്‌പ്ലേ ബോര്‍ഡിലെ പേരാണ് യാത്രക്കാര്‍ക്ക് ഈ ട്രെയിന്‍ ഏതെന്നു തിരിച്ചറിയാന്‍ തുണയാകുന്നത്.
എന്നാല്‍ ഇന്നലെ മംഗളൂരുവില്‍ നിന്ന് നാഗര്‍കോവിലേക്കുള്ള പരശുറാം എക്‌സ്പ്രസ് ഓടിയത് ഒറ്റകോച്ചില്‍ തന്നെ രണ്ടുപേരുമായിട്ടാണ്. ഡി 3 കോച്ചിന്റെ പ്രവേശന കവാടത്തിന്റെ ഇടതുഭാഗത്തു പരശുറാം എക്‌സ്പ്രസെന്നും വലതുഭാഗത്ത് ഏറനാട് എക്‌സ്പ്രസ് എന്നുമാണ് ഡിസ്‌പ്ലേ ബോര്‍ഡിലുണ്ടായിരുന്നത്.
യാത്രക്കാര്‍ക്കെല്ലാം ഏറെ കൗതുകമായി പരശുറാമിന്റെ ഈ ഇരട്ടപ്പേരിലുള്ള ഓട്ടം. സോഷ്യല്‍ മീഡിയയില്‍ ഫോട്ടോ സഹിതം പരശുവിന്റെ ഇരട്ടപ്പേര് വൈറലായതോടെ ട്രോളുകളുടെ പ്രവാഹവുമായി.
ഡിസ്‌പ്ലേ ബോര്‍ഡുകള്‍ വച്ചപ്പോഴുള്ള പിഴവാണ് ഇതിനു കാരണമെന്നാണു റെയില്‍വേയുടെ വിശദീകരണം.

 

 

 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News