2018 September 19 Wednesday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

ഇന്ധന വിലവര്‍ധനവ്: കോണ്‍ഗ്രസിന് ഒഴിഞ്ഞ് മാറാനാകില്ലെന്ന് മായാവതി

ലഖ്‌നൗ: പൊതു തെരഞ്ഞെടുപ്പില്‍ പ്രതിപക്ഷ കൂട്ടായ്മക്കായി ശ്രമം തുടങ്ങിയെങ്കിലും കോണ്‍ഗ്രസിനെതിരേ രൂക്ഷമായ വിമര്‍ശനവുമായി ബി.എസ്.പി അധ്യക്ഷ മായാവതി. പെട്രോളിയം ഉല്‍പന്നങ്ങളുടെ വില വര്‍ധനവിനെതിരേ കോണ്‍ഗ്രസ് നടത്തുന്ന പ്രതിഷേധത്തെ ചൂണ്ടിക്കാട്ടിയാണ് അവര്‍ വിമര്‍ശനം ഉന്നയിച്ചത്. പെട്രോള്‍, ഡീസല്‍ വിലവര്‍ധനവില്‍ ബി.ജെ.പിക്കുള്ളതുപോലെ കോണ്‍ഗ്രസ് നേതൃത്വത്തിലുണ്ടായിരുന്ന കഴിഞ്ഞ യു.പി.എ സര്‍ക്കാരിനും പങ്കുണ്ടെന്ന് അവര്‍ വ്യക്തമാക്കി. ഇന്ധന വിലവര്‍ധനവിന്റെ യഥാര്‍ഥ കാരണക്കാര്‍ കോണ്‍ഗ്രസാണ്. ഇന്ധന വിലവര്‍ധനവില്‍ പ്രതിഷേധിച്ച് കോണ്‍ഗ്രസ് ആഹ്വാനം ചെയ്ത ഭാരത് ബന്ദില്‍ ബി.എസ്.പി പങ്കെടുക്കാതിരുന്നതും ഇക്കാരണത്താലാണെന്ന് അവര്‍ പറഞ്ഞു.
എന്‍.ഡി.എയെ പോലെതന്നെ ഇന്ധന വിലവര്‍ധനവില്‍ യു.പി.എയ്ക്കും തുല്യ പങ്കാളിത്തമുണ്ടെന്നും മായാവതി പറഞ്ഞു.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.