2020 August 05 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഇന്ത്യയിലെ ആദ്യ സ്വകാര്യ പ്രകൃതി ദുരന്ത മുന്നറിയിപ്പ് ഉപഗ്രഹം ഭ്രമണപഥത്തിലേക്ക്

തിരുവനന്തപുരം: ഇന്ത്യയിലെ ആദ്യ സ്വകാര്യ പ്രകൃതി ദുരന്ത മുന്നറിയിപ്പ് നാനോ ഉപഗ്രഹം ആണ് നൂറുല്‍ ഇസ്‌ലാം സര്‍വ്വകലാശാലയുടെ NIUSAT KERAL SHREE. 2004-ലെ സുനാമി ദുരന്ത രക്ഷാപ്രവര്‍ത്തനത്തിന് നേതൃത്വം നല്‍കിയ വേളയിലാണ് നൂറുല്‍ ഇസ്‌ലാം സര്‍വ്വകലാശാല ഇത്തരത്തിലൊരു ദൗത്യത്തെക്കുറിച്ച് ആദ്യമായി ചിന്തിക്കുന്നത്.
കുമാരകോവിലിലെ സര്‍വകലാശാലയില്‍ ആരംഭിച്ച ഉപഗ്രഹ നിര്‍മാണ ഡിപ്പാര്‍ട്ടുമെന്റില്‍ പരിണതപ്രജ്ഞരായ 16 ഓളം ശാസ്ത്രജ്ഞരും 200 ലധികം വിദ്യാര്‍ഥികളുടെയും മേല്‍നോട്ടത്തിലാണ് പ്രകൃതി ദുരന്തങ്ങള്‍ മുന്‍കൂട്ടി പ്രവചിക്കുന്ന ഇന്ത്യയിലെ ആദ്യത്തെ സ്വകാര്യ ഉപഗ്രഹത്തിന് രൂപം നല്‍കിയത്.
നൂറുല്‍ ഇസ്‌ലാം സര്‍വകലാശാലയിലെ വിദ്യാര്‍ഥികള്‍ നിര്‍മിച്ച ഉപഗ്രഹം 2016 ഡിസംബറില്‍ വിക്ഷേപണത്തിനായി ബഹുമാനപ്പെട്ട കേരളഗവര്‍ണ്ണര്‍ ജസ്റ്റീസ് പി. സദാശിവം ഐ.എസ്.ആര്‍.ഒയ്ക്കു കൈമാറി.
ഈ വരുന്ന ജൂണ്‍ 23 രാവിലെ 9.23 ന് ശ്രീഹരിക്കോട്ടയിലെ ഐ.എസ്.ആര്‍.ഒയുടെ ഉപഗ്രഹവിക്ഷേപണകേന്ദ്രത്തില്‍ നിന്നും പി.എസ്.എല്‍.വി ഇ-38 പേടകത്തില്‍ NIUSAT KERALSHREE വിക്ഷേപിക്കപ്പെടും.
പ്രകൃതി ക്ഷോഭങ്ങളും കാലാവസ്ഥ വ്യതിയാനവും കാലേക്കൂട്ടി പ്രവചിക്കുന്ന ഉപഗ്രഹം രാജ്യത്തെ കര്‍ഷകര്‍ക്കും വിദ്യാര്‍ഥികള്‍ക്കും ഒരുപോലെ സഹായകരമാകും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.