2019 April 25 Thursday
ഒരു പ്രഭുവിന്റെ രക്തത്തെക്കാള്‍ വില കൂടിയതത്രെ ഒരു പിച്ചക്കാരന്റെ കൈയിലുള്ള പുസ്തകം -വില്യം ഷേക്‌സ്പിയര്‍

ഇന്തോനേഷ്യയില്‍ വെള്ളപ്പൊക്കം: 60 മരണം

 

ജക്കാര്‍ത്ത: ഇന്തോനേഷ്യയില്‍ വെള്ളപ്പൊക്കവും ഉരുള്‍പൊട്ടലുംമൂലം മരിച്ചവരുടെ എണ്ണം 60 ആയി. രാജ്യത്തിന്റെ കിഴക്കന്‍ പ്രവിശ്യയായ പപുവയിലാണ് പ്രകൃതിദുരന്തം ഉണ്ടായത്. നിരവധി പേര്‍ ആശുപത്രിയിലാണ്. 4,000 ത്തോളം പേരെ ദുരിതാശ്വാസ ക്യാംപുകളിലേക്കു മാറ്റി. പപുവ തലസ്ഥാനമായ ജയപുരയില്‍ ദിവസങ്ങളായി ശക്തമായ മഴയാണ് പെയ്തുകൊണ്ടിരിക്കുന്നത്. ഇവിടെ നൂറുകണക്കിനു വീടുകള്‍ ഭാഗികമായോ പൂര്‍ണമായോ വെള്ളത്തിനടിയിലായി.

കനത്ത മഴക്കൊടുവില്‍ ഉരുള്‍പൊട്ടല്‍ കൂടി ഉണ്ടായതോടെയാണ് ദുരന്തം ഇരട്ടിയായത്. സൈന്യവും ദ്രുതകര്‍മസേനയും രക്ഷാപ്രവര്‍ത്തനത്തില്‍ സജീവമായി പങ്കെടുക്കുന്നതായി പപുവ സൈനിക വക്താവ് മുഹമ്മദ് ഐദി പറഞ്ഞു. വെള്ളപ്പൊക്കവും ഉരുള്‍പൊട്ടലും കാരണം റോഡുകളും പാലങ്ങളും തകര്‍ന്നത് രക്ഷാപ്രവര്‍ത്തനത്തിനു തടസം നില്‍ക്കുന്നതിനാല്‍ മരണസംഖ്യ ഇനിയും കൂടിയേക്കുമെന്നും അദ്ദേഹം അറിയിച്ചു. പപുവയില്‍ രണ്ടാഴ്ചത്തെ അടിയന്തരാവസ്ഥ പ്രഖ്യാപിച്ചിട്ടുണ്ട്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.