2018 October 15 Monday
മുതല്‍മുടക്കില്ലാതെ കിട്ടുന്ന ഒന്നാണ് അനുഭവങ്ങള്‍

ഇനി ഷവോമി യുഗം

പുതുതായി അവതരിപ്പിച്ചത് ഏഴ് ഉല്‍പന്നങ്ങള്‍

ഒന്നല്ല, രണ്ടല്ല, മൂന്നല്ല പുതിയ ഏഴ് ഉല്‍പന്നങ്ങളോടെയാണ് ലോകോത്തര ഇലക്ട്രോണിക്‌സ് നിര്‍മാതാക്കളായ ചൈനയുടെ ഷവോമി ഇപ്രാവശ്യം രംഗത്തുവന്നിരിക്കുത്. എം.ഐ 8, എം.ഐ 8 എക്‌സ്‌പ്ലോറര്‍ എഡിഷന്‍, എം.ഐ 8 സ്‌പെഷല്‍ എഡിഷന്‍, എം.ഐ.യു.ഐ 10 സോഫ്റ്റ്‌വെയര്‍, എം.ഐ ടി.വി, സ്റ്റാന്റലോ ഹെഡ്‌സെറ്റ് ,എം.ഐ ബാന്റ് 3 എന്നിവയാണ് പുതുതായി അവതരിപ്പിച്ചത്.

മൂന്ന് സീരീസ് ഫോണുകള്‍ ഉള്‍പ്പെടെയുള്ള പുതിയ ഉല്‍പന്നങ്ങള്‍ കഴിഞ്ഞ 31ന് സംഘടിപ്പിച്ച കമ്പനിയുടെ എട്ടാം വാര്‍ഷികത്തിന്റെ അവസാന ഇവന്റിലാണ് അവതരിപ്പിച്ചത്.
കുറച്ചുകാലമായി വിപണിയിലിറക്കുമെന്ന് പ്രതീക്ഷിച്ചിരുന്ന എം.ഐ 8 ഫോണാണ് ഇതിലെ ഏറ്റവും വലിയ ഹൈലൈറ്റ്. 6.2 ഇഞ്ച് ഫുള്‍ എച്ച് ഡി+ അമോള്‍ഡ് സ്‌ക്രീന്‍, ക്വാല്‍കോ 845 പ്രൊസസര്‍, 6 ജി.ബി റാം, 64 ജി.ബി റോം, 12 എം.പി ഡുവല്‍ കാമറ, 20 എം.പി മുന്‍ കാമറ, 3400 എം.എ.എച്ച് ബാറ്ററി തുടങ്ങിയവായാണ് എം.ഐ 8ന്റെ സവിശേഷതകള്‍.
കൂടാതെ ഇന്‍ഫ്രാറെഡ് ഫേസ് ലോക്കും ഉള്‍പ്പെടുത്തിയിരിക്കുന്നു. ഇന്ത്യയില്‍ 64 ജി.ബി റോമുള്ള ഫോണിന് ഏകദേശം 28,000ന് മുകളില്‍ വിലവരും.
കൂടാതെ എം.ഐ 8 വിപണിയിലിറക്കുമ്പോള്‍ എം.ഐ 8 സ്‌പെഷല്‍ എഡിഷന്‍ സീരീസ് ഫോണുകളും പുറത്തിറക്കുമെന്നാണ് അധികൃതര്‍ പറയുത്. പുതുതായി പ്രഖ്യാപിച്ച ക്വാല്‍കോം സ്‌നാപ്ഡ്രാഗണ്‍ 710 പ്രൊസസറാണ് എം.ഐ സ്‌പെഷല്‍ എഡിഷനിലെ പ്രത്യേകത.
5.88 ഇഞ്ച് ഡിസ്‌പ്ലേയും 12 എം.പി പ്ലസ് 5 എം.പി ഡുവല്‍ കാമറയായിരിക്കും ഇതില്‍ അടങ്ങിയിരിക്കുത്. ബാറ്ററി 3120 എം.എ.എച്ച് ആണ്. ഇന്ത്യയില്‍ ഇതിന്റെ വില 18,970 രൂപ ആയിരിക്കും.
കൂടാതെ കമ്പനിയുടെ പുതിയ സോഫ്റ്റ്‌വെയറായ എം.ഐ.യു.ഐ 10 ഉം ഇവന്റില്‍ അവതരിപ്പിച്ചിട്ടുണ്ട്. ഈ സോഫ്റ്റവെയറിലായിരിക്കും പുതിയ ഫോണുകള്‍ വിപണയിലെത്തിക്കുക.
കമ്പനിയുടെ പുതിയ 75 ഇഞ്ച് ടി.വിയാണ് മറ്റൊരു ആകര്‍ഷണം. എ.ഐ വോയിസ് അസിസ്റ്റന്റോടുകൂടിയ 4 കെ അള്‍ട്രാ എച്ച്.ഡി ഡിസ്‌പ്ലേയും 2 ജി.ബി റാമും, 32 ജി.ബി വരെ ശേഖരിച്ചുവയ്ക്കാനുള്ള ടി.വിയുടെ പരിധിയും ടി.വിയില്‍ അത്ഭുതപ്പെടുത്തുന്ന ഫീച്ചറുകളാണ്.
കൂടാതെ എം.ഐ വി.അര്‍ ഹെഡ്‌സെറ്റും ഷവോമിയുടെ ബാന്റ് 3 യും എത്തുമ്പോള്‍ ഈ വര്‍ഷം ഷവോമിയുടെ വര്‍ഷമാണെന്നുതന്നെ പറയാം. ഷവോമി ഉപഭോക്താക്കളും അത്ഭുതകരമായാണ് ഈ പ്രഖ്യാപനങ്ങള്‍ നിരീക്ഷിച്ചത്. നിലവില്‍ ചൈനയില്‍ ജൂണ്‍ അഞ്ചിന് എം.ഐ 8 പുറത്തിറക്കും.
താമസിയാതെ ഇന്ത്യയിലും മറ്റു രാജ്യങ്ങളിലും ഈ ഉല്‍പന്നങ്ങള്‍ എത്തിക്കുമെന്ന് അധികൃതര്‍ വ്യക്തമാക്കി. ഇന്ത്യയില്‍ ഷവോമി ഫോണുകള്‍ക്ക് വന്‍ ഡിമാന്‍ഡാണെന്നിരിക്കെ ഇവ എത്രയും പെട്ടെന്ന് വിപണിയിലെത്തിക്കാനുള്ള ഒരുക്കങ്ങളാണ് നടക്കുന്നത്.

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.